ދަރިއަކަށް ނޭނގޭނެއޭ، މަޔަކު އުފުލާ ބުރަތަކެއް

     ދަރިއަކަށް ވީތީ ތިމާ، ލޯބި ދޭށޭ މަންމައަށް

ހަށި ތެރޭގައި ހޭދަވީ، ކޮންމެ ދުވަހަކު ވޭނުގައި

     ހަށި މަގޭ ފުރިހަމަކުރީ، ލޯބި ދޭށޭ މަންމައަށް

ނިންޖަކާނުވެ ރޭދުވާ، ނެތި އަރާމެއް ހާލުގައި

     ބިންމަތީގައި އެނބުރުނޭ، ލޯބިދޭށޭ މަންމައަށް

މޭނުބައިކޮށް ހޮޑުލެވޭ، ހާލުގައިވެސް ކެތްކުރީ

     ވޭނުގައި ނުވަމަސް ހުރީ، ލޯބި ދޭށޭ މަންމައަށް

ވިހެއުމަށް އެޅި ވޭނަކީ، ކެތްނުވާ ފަދަ ވޭނެކޭ

     ވިހެއުމަށްވެސް ކެތްކުރީ، ލޯބި ދޭށޭ މަންމައަށް

ވިހެއުމަށްފަހު ލޯބިދީ، އުނގުތެރޭގައި ނިންދެވީ

     ވިހެއުމުގެ ޝަކުވާނުކޮށް، ލޯބި ދޭށޭ މަންމައަށް

ޕުއްޕު ދޮއްވާ ސާފުކޮށް، ޗާލުކޮށް ފެންވަރުވައޭ

     ފުއްޖަހާ ދޮންކޮއްލައޭ، ލޯބި ދޭށޭ މަންމައަށް

އެންމެ ކަންތަށް ފުރިހަމަށް، އެއްކަމެއްވެސް އުނިނުކޮށް

     އެންމެ ފުރަތަމަ އައްވަލަށް، ލޯބި ދޭށޭ މަންމައަށް