މާތް ﷲ އިންސާނާ ހައްދަވާ ޚަލްޤު ކުރައްވަވާފައިވަނީ އެންމެ ފުރިހަމަ ގޮތުގައި. އިންސާނާގެ ހަށިގަނޑުގެ ކޮންމެ ނިޒާމެއް، އެކަލާނގެ ފަރުމާކުރައްވާ ފުރިހަމަކުރެއްވީ އޭގައި އުނިކަމެއް ނުވާނޭ ގޮތަށް.

އެގޮތުން އިންސާނުންގެ ލަދުވެތި ގުނަވަނުގައި، އިންސާނާ ވަކި އުމުރަކަށް ދިއުމުން އިސްތަށި ފެޅުމުގެ ނިޒާމެއް މާތް ﷲ ވަނީ އިންސާނާގެ ހަށިގަނޑުގައި ލައްވާފައި. އަދި އެކަލާނގެ ފުރިހަމަކޮށްދެއްވި އިސްލާމްދީނުގައި، އެ އިސްތަށި ބާލާ، ސާފުކުރުމަށްވެސް ވަނީ އަންގަވާފާ. ކިއުމުގައްޔާއި ލިއުމުގައި ލަދުވެތި ވާހަކައެއް ނަމަވެސް މި ފުރިހަމަ ނިޒާމުގެ ހިކުމަތަކީ ކޮބައިކަން މި އިންސާނާއަށް އެނގުން ވަރަށްވެސް މުހިންމު.

އިންސާނާގެ ލަދުވެތި ގުނަވަންތަކަކީ ވަރަށް ނާޒުކު ގުނަވަންތަކެއް. އެ ގުނަވަންތަކަށް "ރައްކާތެރި" ނުވެވިއްޖެނަމަ މި ދުނިޔޭގައާއި އާޚިރުގައި އޭގެ ގެއްލުން ލިބޭ ގުނަންތަކެއް. ލަދުވެތި ގުނަވަނުގައި ފަޅާ އިސްތަށީގެ ބޭނުމަކީ އެ ގުނަވަނުގެ ކައިރީގައި ހުންނަ މައިކުރޯއޯގަނިޒަމްތައް ގުނަވަނާއި ކައިރިވިޔަ ނުތީ ހިފެހެއްޓިފައި ބެހެއްޓުން. އެހެނީ އެ އެއްޗެހި ގުނަވަނާއި ގާތްވާނަމަ ގުނަވަނަށް އެކި ކަހަލަ ބަލި ޖެހުމާއި އިންފެކްޝަންއުފެދުން ފަދަ ކަންކަން މެދުވެރިވެދާނެ.

މިގޮތަށް އިސްތަށީގައި މައިކުރޯއޯގަނިޒަމްތައް ހަރުލާފައި ހުންނަތާ ގިނަދުވަސްވުމަކީވެސް އެ އެއްޗެހި އެތަނުގައި އާލާވެ ގިނަވެދާނޭކަމެއް. އަހަރެމެން އިންސާނުން ސާފުތާހިރުވުމުގެ ގޮތުން ގުނަން ދޮއުނު ނަމަވެސް އިސްތަށީގައި ހަރުލާފައި ހުންނަ އެފަދަ މައިކުރޯއޯގަނިޒަމްތައް ސާފު ނުވެ ހުރުމުގެ ފުރުސަތު ވަރަށްބޮޑު. 

ކަން މިހެން ހުރުމުން، މާތްވެގެންވާ އިސްލާމްދީނުގައި، ގުނަވަނުގެ އިސްތަށިބޭލުމަށް ވަނީ އަންގަވާފައި. މި ނިޒާމު ތަރުތީބުވެ ހިނގަނީ "ފިލްޓަރު" ނިޒާމަކާއި ދާދި އެއްގޮތަކަށް. މާތް ﷲ އިންސާނާގެ ހަށިގަނޑުގައި ބޭކާރު، އަދި ބޭނުމެއް ނުހިފޭ، އިސްރާފުވާފަދަ ގޮތަކަށް އެއްވެސް ގުނަވަނެއް ނުވަތަ ނިޒާމެއްވެސް ތަރުތީބު ނުކުރައްވަވާނެ. އެކަލާނގެއީ މޮޅަށް ދެނެވޮޑިގެންވާ ޙަކީމުވަންތަ އިލާހު!