ބޮލީވުޑްގެ މަޝްހޫރު ބަތަލާ ސޯނަމް ކަޕޫރާއި އޭނާގެ ފިރިމީހާ އާނަންދު އަހޫޖާގެ އާއިލާއަށް އާ މެންބަރަކު އިތުރުވެއްޖެއެވެ. މި ދެމަފިރިންނަށް ދެވަނަ ފިރިހެން ކުއްޖަކު ލިބުނުކަން ވަނީ ރަސްމީކޮށް އިއުލާންކޮށްފައެވެ. މިއީ ސޯނަމް އާއި އާނަންދުގެ ފުރަތަމަ ދަރިފުޅު، ވާޔޫގެ ކުޑަކުޑަ ކޮއްކޮއެވެ.
މި އުފާވެރި ޚަބަރާއެކު މުޅި ކަޕޫރު އާއިލާ އަންނަނީ މި އުފާވެރިކަން ފާހަގަކުރަމުންނެވެ. ވަކިން ހާއްސަކޮށް، ދެ ވަނަ ފަހަރަށް ކާފައަކަށް ވި މަޝްހޫރު އެކްޓަރު އަނިލް ކަޕޫރު ވަނީ އޭނާގެ އިހުސާސްތައް ވަރަށް އަސަރުގަދަ ނޯޓަކުން ހިއްސާކޮށްފައެވެ.
"މިއަދު އަހަރެންގެ ހިތް ވަނީ އުފަލުން ފުރިފައި... ލޯތްބާއި އުފާވެރިކަމުން ފުރިގެންވާ ދިރިއުޅުމަކަށް މަރުހަބާ،" އަނިލް ކަޕޫރު ލިޔެފައިވެއެވެ.
ސޯނަމް އާއި އާނަންދު ކައިވެނިކުރީ 2018 ވަނަ އަހަރުއެވެ. އެމީހުންގެ ފުރަތަމަ ދަރިފުޅު ވާޔޫ އުފަންވީ 2022 ގައެވެ. އާއިލާއަށް ދެވަނަ ދަރިއަކު އިތުރުވުމާ ގުޅިގެން ފިލްމީ ދާއިރާގެ ގިނަ ބަޔަކާއި ސަޕޯޓަރުން އަންނަނީ އެ އާއިލާއަށް މަރުހަބާގެ މެސެޖުތައް ފޮނުވަމުންނެވެ. އާ މެންބަރާއެކު ކަޕޫރު އާއިލާގެ އުފާވެރިކަން މިވަނީ ދެގުނަވެފައެވެ.