މިއަދު ބޭއްވި ލޯކަލް ކައުންސިލް އިންތިހާބުގެ ވަގުތީ ނަތީޖާ ދައްކާގޮތުން، އައްޑޫ ސިޓީގެ މޭޔަރު ކަމުގެ މަގާމަށް އަލުން އަލީ ނިޒާރު އިންތިހާބުވެއްޖެއެވެ. މިއާއެކު އޭނާ ވަނީ ވިދިވިދިގެން ދެވަނަ ދައުރަކަށް އައްޑޫގެ މޭޔަރުކަން ކަށަވަރުކުރައްވާފައެވެ.
އައްޑޫގެ އެކި ދާއިރާތަކުން ލިބެމުންދާ ވަގުތީ ނަތީޖާތަކަށް ބަލާއިރު، އިދިކޮޅު އެމްޑީޕީގެ ކެންޑިޑޭޓް އަލީ ނިޒާރު ވަނީ ސަރުކާރު ހިންގާ ޕީއެންސީގެ ކެންޑިޑޭޓުގެ މައްޗަށް ބޮޑު ތަފާތަކުން ކުރިހޯއްދަވާފައެވެ. އައްޑޫގެ ގިނަ ވޯޓު ފޮށިތަކުގެ އަގުލަބިއްޔަތު އޭނާ ހޯއްދަވާފައިވާއިރު، މިއީ އައްޑޫގައި އެމްޑީޕީގެ ތާއީދު އަދިވެސް ވަރުގަދަކަން ހާމަވެގެންދިޔަ ނަތީޖާއެކެވެ.
އަލީ ނިޒާރުގެ އިތުރުން މާލެ، ފުވައްމުލައް އަދި ކުޅުދުއްފުށި ސިޓީގެ މޭޔަރުކަން ވެސް މިފަހަރު ކާމިޔާބު ކުރައްވާފައިވަނީ އެމްޑީޕީގެ ކެންޑިޑޭޓުންނެވެ. އިލެކްޝަންސް ކޮމިޝަނުން ދަނީ ހުރިހާ ދާއިރާތަކެއްގެ ވަގުތީ ނަތީޖާ އިއުލާންކުރަމުންނެވެ. އައްޑޫގެ އެކި ހިސާބުތަކުގައި މިހާރު ދަނީ މި ކާމިޔާބީގެ އުފާފާޅުކުރުންތައް ކުރިއަށްދަމުންނެވެ.