މާލެ ސިޓީގެ މޭޔަރުކަމުގެ އިންތިހާބުގެ ވަގުތީ ނަތީޖާ ދައްކާގޮތުން، މިހާރުގެވެސް މޭޔަރު އާދަމް އާޒިމް އުޅުއްވަނީ ބޮޑު ތަފާތަކުން ކުރީގައެވެ. މިހާތަނަށް ލިބިފައިވާ ތަފާސްހިސާބުތަކަށް ބަލާއިރު، އާޒިމް ވަނީ ވޯޓުގެ 43 އިންސައްތައަށް ވުރެ ގިނަ އަދަދެއް ކާމިޔާބު ކުރައްވާފައެވެ.
ސަރުކާރު ހިންގާ ޕީއެންސީގެ ފަރާތުން ވާދަކުރެއްވި މޫސާ އަލީ ޖަލީލަށް މިހާތަނަށް ލިބިވަޑައިގަތީ 28 އިންސައްތަ ވޯޓެވެ. އަދި މިނިވަން ކެންޑިޑޭޓެއްގެ ގޮތުގައި ވާދަކުރެއްވި އިސްމާއިލް ޒަރިޔަންދު 23 އިންސައްތަ ވޯޓާއެކު އުޅުއްވަނީ ތިންވަނައިގައެވެ.
މާލޭގެ މޭޔަރުގެ ގޮނޑީގެ އިތުރުން، އައްޑޫ، ފުވައްމުލައް އަދި ކުޅުދުއްފުށި ސިޓީގެ މޭޔަރުކަން ވެސް ވަގުތީ ނަތީޖާއިން ދައްކާގޮތުގައި ކާމިޔާބުކޮށްފައިވަނީ އެމްޑީޕީގެ ކެންޑިޑޭޓުންނެވެ. ސިޓީތަކުގެ ތެރެއިން ސަރުކާރު ކެންޑިޑޭޓަކަށް މިހާތަނަށް ކުރި ލިބިފައިވަނީ ތިނަދޫ ސިޓީން އެކަންޏެވެ. އިލެކްޝަންސް ކޮމިޝަނުން ދަނީ ހުރިހާ ފޮށިތަކެއްގެ ނަތީޖާ ޝީޓުތައް ޗެކްކޮށް، ރަސްމީކޮށް ނަތީޖާތައް އިއުލާންކުރަމުންނެވެ.