ސްރީ ލަންކާގެ ބަނދަރުގައި ތާށިވެފައި ހުރި މުދާ ކޮންޓެއިނަރުތަކުގެ ތެރެއިން 2,500 ކޮންޓެއިނަރު މި ހަފްތާގެ ތެރޭގައި ރާއްޖެއަށް ގެނެވޭނެ ކަމަށް އިކޮނޮމިކް މިނިސްޓަރު މުޙައްމަދު ސަޢީދު މިއަދު ވިދާޅުވެއްޖެއެވެ.
މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު ސަޢީދު ވިދާޅުވީ، ލަންކާ ބަނދަރުގައި މުދާ ތާށިވެފައި އޮތް އޮތުން މިހާރު އާންމު ހާލަތަކަށް ބަދަލުވަމުން އަންނަ ކަމަށެވެ. މިދިޔަ ހަފްތާގައި 4,241 ކޮންޓެއިނަރު ލަންކާގައި ހުރި ނަމަވެސް، މި ހަފްތާގައި އަންނަ ބޯޓުތަކާއެކު އެ އަދަދު 1,741 އަށް ދަށްވާނެ ކަމަށް ލަފާކުރެވެއެވެ.
މުދާ ގެނައުމުގައި ދަތިތަކެއް ކުރިމަތިވީ މެދުއިރުމަތީގެ ހަނގުރާމައާ ގުޅިގެން ބައިނަލްއަޤްވާމީ ޝިޕިންގް ދާއިރާއަށް ބުރޫއެރުމާއި، މާލޭ ވިޔަފާރި ބަނދަރުން މުދާ ކްލިއަރ ކުރުމުގައި ހުރި ދަތިތަކުގެ ސަބަބުންނެވެ.
މިނިސްޓަރު ހާމަކުރެއްވި ތަފްސީލުތަކަށް ބަލާއިރު:
އިއްޔެ އާއި އިއްޔެނުވަތަ ކޮންމެ ދުވަހަކު 500 ކޮންޓެއިނަރު ރާއްޖެއަށް ވަނީ އައިސްފައެވެ.
މިއަދު އެކަނިވެސް 1,500 ކޮންޓެއިނަރު ގެނައުމަށް ވަނީ ހަމަޖެހިފައެވެ.
މިވަގުތު ބަނދަރުގައި އޮތް އުޅަނދެއްގައި 1,200 ޓީއީޔޫގެ މުދާ އެބަހުއްޓެވެ.
މި ބޮޑު ޝިޕްމަންޓާއެކު، ބާޒާރުގައި މުދާ ލިބުމަށް ހުރި ދަތިތަކަށް ބޮޑު ލުޔެއް ލިބިގެންދާނެ ކަމަށް ސަރުކާރުން އުންމީދު ކުރެއެވެ.