ވެޖިޓޭރިއަނުންނަކީ ދުވަހަކުވެސް މަހުގެ ބާވަތެއް ނުކާ ބައެކެވެ. އެމީހުންގެ ކެއުމުގައި މުޅިންވެސް ހިމަނާނީ ތަރުކާރީ އާއި މޭވާގެ އިތުރުން އެހެން ބައެއް ފަލަމަޑީގެ ބާވަތްތަކެވެ. މީގެ އިތުރުން ކިރަކީވެސް މި މީހުން ބޮއެ އުޅޭ އެއްޗެކެވެ. ނަމަވެސަ އެއްވެސް ކަހަލަ މަހުގެ ބާވަތެއް މިމީހުން ނުކާނެއެވެ.
އިނގިރޭސި ވިލާތުގެ މެންޗެސްޓާގެ ހޮޓަލަކަށް ދިޔަ އުމުރުން 26 އަހަރުގެ އަންހެނަކު ހޮޓަލުން ނުކުތީ ހޮޑުލާލާ ބަލިވެގެންނެވެ. ޗާލޮޓް ސަންޝައިން އަކީ ވެޖިޓޭރިއަން އެކެވެ. އޭނާ ހޮޓަލަށް ކާންދިޔައީ އޭނާގެ ފިރިމީހާ އާއި އެކުގައެވެ. ހޮޓަލަށް ގޮސް އޭނާ އާއި އޭނާގެ ފިރިމީހާ ވެސް އޯޑަރު ކުރީ އެކައްޗަކަށެވެ. ތަފާތުވީ ވެޖިޓޭރިއަން އާއި ނޮން ވެޖް ގެ ތަފާތެވެ.
ރިޕޯޓުތައް ބުނާގޮތުން ވޭޓަރު އޯޑަރު ގެނެސް ބެހެއްޓި ބެހެއްޓުމުގައި ވޭޓަރަށް ނުބައިކޮށް ބެހެއްޓުނީއެވެ.
ސަންޝައިން ވަނީ އޭނާގެ ކައިރީގައި ހުރި ކާ އެތި އަނގައަށް ލާފައެވެ. އެހިސާބުން އޭނާއަށް "ކުނި" ރަހައެއް ލުމުން ބަލައިލި އިރު އޭގައި އޮތީ ކުކުޅު މަސްފޮށްޗެކެވެ. އެ ހިސާބުން އޭނާ އޯކަށްދެމި ހޮޑުލާން ފެށިއެވެ. އަދި ބިންމައްޗަށް ވެއްޓުނުކަމަށްވެސް ރިޕޯޓުތައް ބުނެއެވެ.
އޭނާ ބުނާގޮތުގައި މިއީ އޭނާގެ ހަޔާތުގައި މަހުގެ ބާވަތެއް ކެވުނު ފުރަތަމަ ފަހަރެވެ. އޭގައި އޭނާއަށް ލީ ސީދާ ކުނި ރަހަ ކަމަށް އޭނާ ވަނީ ބައެއް މީޑިއާ ތަކަށް ބުނެފައެވެ. މީސްމީޑިޔާގައި ދައުރުވި މި ހަބަރަށް ގިނަ ބައެއްގެ ޝައުގުވެރިކަން ހުއްޓުނީ އެ ހޮޓަލަކީ މެކްޑޮނާލްޑުގެ ހޮޓަލަކަށް ވާތީއެވެ.
ވެޖިޓޭރިއަނުން ގަބޫލު ކުރާގޮތުގައި މަސް ކެއުމަކީ ދިރޭ ފުރާނައެއް ގަސްތުގައި ދުއްވާލައިގެން ކުރާ ކަމަށް ވާތީ އެކަން އެމީހުން ގަބޫލު ނުކުރަނީއެވެ.