އީރާނާއި އެމެރިކާ އަދި އިޒްރޭލާ ދެމެދު ހިނގަމުންދާ ނުތަނަވަސްކަމުގެ ތެރެއިން، އެމެރިކާގެ އަސްކަރީ ބާރުތަކުން ބޭނުންކުރި ނުގޮވާ ހުރި މިސައިލްތަކާއި ބޮންތަކެއް އީރާނަށް ލިބިފައިވާ ކަމަށް އެ ގައުމުން ބުނެފިއެވެ. މި ތަކެތި ބޭނުންކޮށްގެން އީރާނުން އެ ގައުމުގެ އަސްކަރީ ޓެކްނޮލޮޖީ ކުރިއެރުވުމަށް މަސައްކަތް ކުރަމުންދާ ކަމަށް މީޑިއާ ރިޕޯޓުތައް ބުނެއެވެ.
އީރާނުގެ ހޮރްމޮޒްގާން ޕްރޮވިންސުން އެމެރިކާގެ ބޮޑެތި މިސައިލްތަކެއް ފެނިފައިވާ ކަމަށް އީރާނުގެ ސިފައިން ބުންޏެވެ. ބަންދަރު އައްބާސްގައި ހުންނަ އީރާނުގެ ސިފައިންގެ ޔުނިޓަކުން ބުނީ، އެމީހުން 15 މިސައިލް ނައްތާނުލައި، އެ ތަކެތި 'ރިވާސް އިންޖިނިއަރިން' ހެދުމަށްޓަކައި ޓެކްނިކަލް އެންޑް ރިސާޗް ޔުނިޓުތަކަށް ފޮނުވާފައިވާ ކަމަށެވެ. އަދި ޒަންޖާން ޕްރޮވިންސުން 9،500 އަށްވުރެ ގިނަ ކުދި ބޮންތައް ފެނިފައިވާ ކަމަށް އީރާނުން ބުނެއެވެ.
"ޖީބީޔޫ-57 ބަންކާ ބަސްޓާ" ބޮމެއް ވެސް ކާމިޔާބުކަމާއެކު ނައްތާލުމަށްފަހު، ބޮންތަކާ ބެހޭ މައުލޫމާތު ކަމާބެހޭ އިދާރާތަކާ ހަވާލުކޮށްފައިވާ ކަމަށް އީރާނުގެ މީޑިއާތަކުން ރިޕޯޓުކުރެއެވެ. މި ހާދިސާތަކަކީ އެމެރިކާގެ އަސްކަރީ ވަސީލަތްތައް ދިރާސާކުރުމަށް އީރާނަށް ލިބުނު ފުރުސަތެއްގެ ގޮތުގައި ބެލެވެއެވެ.