މާބަގީޗާ ތަކު ތެރޭ، އެކި ކަހަލަ މާތަށް ވެޔޭ 

     ހާމައަށް ފެންނަންނެތަސް، ހާދަ ބައިވަރު އެބަ ތިބޭ

ވާނެހޭ ފުރިހަމަ އެތަން، އެންމެ މަލަކާވެސް ނުލާ

     ވާނެހެން ހުރިހައި މަލެއް، އޭގެ އަސަރެއް އެބަ ލިބޭ

ފޮރުވިފައި އިނަކަސް ހެވޭ، އޭގެ ހައްގެއް އެބަ ވެޔޭ

     ފޮރުވިފައި އިނަކަސް އެމާ، އޭގެ ފިޔަތަށް އެބަ ތިބޭ

ގަދަ އަވީގައި ހޫނުގައި، ހިޔަލަކަށްވެސް އެދެވެއޭ

     ގަދަ ކަމެއް ނެތަތީއެމާ، މަދަދަކަށް އެދި އެދި ތިބޭ

ފެން ދެވެންވެސް އެބަޖެހޭ، އަވި ލިބެންވެސް އެބަޖެހޭ

     ދެން ވިޔަސް ހުރިހާ ކަމެއް، އޭގެ ހަމަޔަށް އެބަ ތިބޭ

އުނިކަމެއް ވާނަމަ އެމާ، އެއްލައެއް ނުމެލާނެޔޭ

     ނުނިޔަތެއް ނުމެލާ އެމާ، ލޯބި ދީގެން އެބަ ތިބޭ

މަދުކަމެއް ނަމަ މިކަމުގައި، އޭގެ އަޖަލޭ ގޮނޑުވަނީ

     ފަނޑުވަމުން ކުލަ އޭގެ ދޭ ، ދެން ނިކަން ވިސްނާ ތިބޭ

 މާތަކަށް ބޭނުން އެވާ، އެންމެ ކަންތަށް ފުރިހަމަށް  

     ޒާތަކަށް ދިލްކަޝް ވަމުން، އޭގެ ފިޔަތަށް ފޮޅި ތިބޭ