އުމުރުން ދުވަސްވީ މީހުންގެ މެދުގައި ބޮޑުވަމުންދާ ލޭގެ ޕްރެޝަރު (ހައި ބްލަޑް ޕްރެޝަރު) ގެ މައްސަލައަށް ހީވެސް ނުކުރާ ފަދަ އާދަޔާޚިލާފު ގުދުރަތީ ހައްލެއް ސައިންސްވެރިން ހޯދައިފިއެވެ. އިނގިރޭސިވިލާތުގެ ޔުނިވަރސިޓީ އޮފް ކްސެޓާގެ ދިރާސާވެރިން ޝާއިޢުކުރި އައު ހޯދުމެއްގައިވާ ގޮތުން، ކޮންމެ ދުވަހަކު ބީޓްރޫޓް ޖޫސް ބުއިމުގެ އާދައަކީ އުމުރުން ދުވަސްވީ މީހުންގެ ލޭގެ ޕްރެޝަރު އެންމެ ދެ ހަފުތާގެ ތެރޭގައި ދަށްކޮށްދޭ ކަމެކެވެ. މި ހޯދުމަކީ ހިތުގެ ދުޅަހެޔޮކަމަށް ލޯބިކުރާ ފަރާތްތަކަށް ލިބުނު ވަރަށް އުންމީދީ މެސެޖެކެވެ.
މި ދިރާސާއިން ހާމަވި އެންމެ ހައިރާންކުރުވަނިވި ކަމަކީ، ބީޓްރޫޓް ޖޫހުގެ ސަބަބުން ލޭގެ ޕްރެޝަރު ދަށްވަނީ އިންސާނާގެ އަނގަޔަށް ދިމާވާ ގޮތްތަކަކުން ކަމެވެ. ބީޓްރޫޓްގައި ގުދުރަތީ ގޮތުން ގިނަ އަދަދަކަށް އެކުލެވޭ "ނައިޓްރޭޓް" ގެ ސަބަބުން އަނގައިގެ ތެރޭގައި ދިރިއުޅޭ ބެކްޓީރިއާތަކުގެ ނިޒާމަށް ބޮޑެތި ބަދަލުތަކެއް އާދެއެވެ. މި ބަދަލާއެކު، އަނގައިގެ ބެކްޓީރިއާތަކުން ނައިޓްރޭޓް ބަދަލުކޮށްލަނީ ނައިޓްރިކް އޮކްސައިޑް އަށެވެ. މިއީ ލޭހިނގާ ނާރުތައް ފުޅާކޮށް، މަޑުމައިތިރިކަމާއެކު ލޭ ދައުރުވުމަށް އެހީތެރިވެދޭ މާއްދާއެކެވެ.
މި މައުޟޫޢުގައި މިހާތަނަށް ހިންގުނު އެންމެ ބޮޑު މި ދިރާސާގައި، ދިރާސާވެރިން ވަނީ ދުވާލަކު ދެ ފަހަރު ކޮންސެންޓްރޭޓަޑް (އޮލަ) ބީޓްރޫޓް ޖޫސް ބޯންދީގެން އުމުރުން ދުވަސްވީ މީހުންނާއި ޒުވާނުންގެ ހަށިގަނޑަށް އަންނަ ބަދަލުތައް އަޅާކިޔާފައެވެ. ދެ ހަފުތާގެ ތަޖުރިބާއަށްފަހު ފެނުނު ނަތީޖާއަކީ، އުމުރުން ދުވަސްވީ މީހުންގެ ލޭގެ ޕްރެޝަރު ފާހަގަކޮށްލެވޭ މިންވަރަކަށް ދަށްވެފައިވުމެވެ. ނަމަވެސް، މި ބަދަލު ޒުވާނުންގެ ހަށިގަނޑުން ފެނިފައެއް ނުވެއެވެ. މިއިން އެނގެނީ އުމުރުން ދުވަސްވުމުން ހަށިގަނޑަށް ބޭނުންވާ ނައިޓްރިކް އޮކްސައިޑް އުފެއްދުމަށް ބީޓްރޫޓް ޖޫސް މާ ބޮޑަށް އެހީތެރިވެދޭ ކަމެވެ.
މިއީ ހަމައެކަނި ލޭގެ ޕްރެޝަރު ދަށްކުރުމުގެ ވާހަކައެއް ނޫނެވެ. މީގެ ސަބަބުން މުޅި ހިތުގެ ނިޒާމަށާއި ސިކުނޑީގެ ލޭހިނގުމަށްވެސް ކުރިއެރުން ލިބިގެންދެއެވެ. އުމުރުން ދުވަސްވާއިރު ހަށިގަނޑުން ގުދުރަތީ ގޮތުން ނައިޓްރިކް އޮކްސައިޑް އުފައްދާ މިންވަރު މަދުވުމަކީ ލޭގެ މައްސަލަތަކާއި ސްޓްރޯކް ޖެހުމަށް މަގުފަހިވާ ކަމެކެވެ. އެހެންކަމުން، ބީޓްރޫޓް ފަދަ ގުދުރަތީ ތަރުކާރީއަކުން އަނގައިގެ މައިކްރޯބަޔޯމް ރީޝޭޕްކޮށް، ނުވަތަ އަލުން ބައްޓަންކޮށްގެން މި މާއްދާ ހަށިގަނޑަށް އެހީތެރިވުމަކީ ބޭސް ބޭނުންކުރުމުގެ ކުރިން ކުރެވިދާނެ ވަރަށް ރައްކާތެރި ކަމެކެވެ.
އެހެންކަމުން، އަޅުގަނޑުމެންގެ ސިއްހަތުގެ ބޮޑުބައެއް ގުޅިފައިވަނީ ދުނިޔަވީ ގުދުރަތީ ވަސީލަތްތަކާއެވެ. އުމުރުން ދުވަސްވީ މައިންބަފައިންނާއި ބޭފުޅުންގެ ދުވަހުގެ ކެއުމުގެ ތެރެއަށް ތާޒާ ބީޓްރޫޓް ޖޫސްތައްޓެއް އިތުރުކޮށްލުމަކީ، ކެމިކަލް ބޭސްތަކާ ދުރަށްޖެހި، ދުޅަހެޔޮ ހިތަކާއެކު ދިގު އުމުރެއް ހޭދަކުރުމަށް ކޮށައިދެވޭނެ ރަނގަޅު މަގެކެވެ. ސައިންސްގެ މި ހޯދުމާއެކު، ބީޓްރޫޓަކީ ހަމައެކަނި ކުލަރީތި ތަރުކާރީއެއް ނޫންކަމާއި، އެއީ އުމުރުން ދުވަސްވީ މީހުންގެ ސިއްހަތުގެ ބިންގަލެއްކަން މިއަދު މިވަނީ ކަށަވަރުވެފައެވެ.
ހަވާލާ: ސައިންސް ޑެއިލީ 2026.