ނިއު ޔޯކް ސިޓީއަށް ކުރަމުންދާ ގަދަ ވިއްސާރައިގެ ސަބަބުން މުޅި ސިޓީގައި ފެންބޮޑުވެ، ބަހަކުން ފޭބި އަންހެނަކު ފެންގަނޑު ތެރެއަށް ގެއްލިއްޖެއެވެ.
މި ހާދިސާ ހިނގީ، ވާރޭވެހުމުގެ ސަބަބުން މަގުތަކުގައި ފެންގަނޑުތައް އުފެދި، އާންމު ދިރިއުޅުމަށް ބޮޑެތި ދަތިތަކެއް ކުރިމަތިވެފައިވާ ދަނޑިވަޅެއްގައެވެ.
ސިޓީގެ މަގުތަކުގައި ފެންބޮޑުވުމުގެ ސަބަބުން ކަރަންޓުގެ ހިދުމަތް ކެނޑި، ދަތުރުފަތުރުގެ ނިޒާމަށް ބޮޑެތި ބުރޫތަކެއް އަރާފައިވެއެވެ. ބަހުން ފޭބި އަންހެނަކު ފެންގަނޑުގެ އާދަޔާ ހިލާފު ގަދަ އޮއިވަރުގެ ތެރެއަށް ގެއްލުނުއިރު، އެ ސަރަހައްދުގެ ފެންގަނޑުތައް ހުރީ ނުރައްކާތެރި މިންވަރަކަށް މައްޗަށް އުފުލިފައެވެ.
އެމެރިކާގެ މޫސުމާ ބެހޭ އިދާރާތަކުން ބުނާ ގޮތުގައި، މި ވިއްސާރައަކީ ފަހުގެ ތާރީޚެއްގައި ނިއު ޔޯކަށް ކުރިމަތިވި އެންމެ ބާރުގަދަ އެއް ވިއްސާރައެވެ. މި ހާދިސާތަކާ ގުޅިގެން ކަމާބެހޭ ފަރާތްތަކުން އަންނަނީ ރައްކާތެރިކަމުގެ ފިޔަވަޅުތައް އަޅަމުންނެވެ. އަދި އާންމު ރައްޔިތުން ކޮންމެހެން ދަތުރުކުރަން ޖެހިއްޖެ ހާލަތެއްގައި މެނުވީ ބޭރަށް ނުނިކުތުމަށް އޮފީހުން ވަނީ އިލްތިމާސްކޮށްފައެވެ.
އޮފީހުން ބުނީ މި ވިއްސާރައިގެ ސަބަބުން ސިޓީގެ ބައެއް ސަރަހައްދުތަކުގައި ފެންގަނޑުތައް އުފެދިފައިވާތީ، ރައްކާތެރިކަމުގެ ފިޔަވަޅުތައް އަޅާފައިވާ ކަމަށެވެ. އަދި މިފަދަ ކާރިސާތަކުން ރައްކާތެރިވުމަށްޓަކައި، މޫސުމީ އެލާޓްތަކަށް ސަމާލުކަން ދިނުމަކީ ކޮންމެހެން މުހިންމު ކަމެއް ކަމަށް ވެސް ކަމާބެހޭ ފަރާތްތަކުން ބުނެއެވެ.