ޗެކްރިޕަބްލިކްގެ ކުޑަކުޑަ އަވަށެއް ކަމަށްވާ "ލޫކާ" ގެ ފާރުތަކާއި ފައްޅިތަކުގައި، ނޫކުލައިގެ މާގަސްތަކުގެ ރީތި ކުރެހުންތައް ކުރަހައިގެން މުޅި ދުނިޔޭގެ ސަމާލުކަން ހޯދި އަނީޒްކާ ކަޝްޕާކޯވާގެ ވާހަކައަކީ ގިނަ ބަޔަކަށް ދިރުމެއް ލިއްބައިދިން ޚަބަރެކެވެ. އުމުރުން 40 އަހަރުގައި ކުރަހަން ފެށި އަނީޒްކާ ވަނީ އޭނާގެ ދިރިއުޅުމުގެ ފަހު 50 އަހަރު އެ އަވަށުގެ ފާރުތައް ސަގާފީ ކުރެހުންތަކުން ޒީނަތްތެރިކުރުމުގައި ހޭދަކޮށްފައެވެ. އޭނާއަކީ އެއްވެސް ތަމްރީނެއް ނުވަތަ ކުރަހާނެ ނަމޫނާއެއް ނެތި، ހަމައެކަނި ހަނދާނުގެ އެހީގައި އަމިއްލަ އަތުން މި ހުރިހާ ކުރެހުމެއް ކުރެހި ހުނަރުވެރިއެކެވެ.
އަނީޒްކާ ކުރަހަމުންދިޔަ ކުރެހުންތަކަކީ އެ ސަރަހައްދުގެ ގަރުނުތަކެއްވީ "މޮރޭވިއަން ފޯލްކް" ސަގާފަތަށް ނިސްބަތްވާ ކުރެހުންތަކެކެވެ. އޭނާގެ ދިރިއުޅުމުގައި ކޮންމެ މަދު އަހަރުތަކެއްގެ ތެރޭގައި، ފައްޅިތަކުގެ ބޯ ކުރެހުންތައް މަރާމާތުކުރުމުގެ ބަދަލުގައި، މުޅިން އަލުން އައުކޮށް ކުރަހައި ފުރިހަމަކުރެއެވެ. އޭނާ ދެކުނު ގޮތުގައި ކުރެހުން ކުރެހުމުގެ އެ ޢަމަލަކީ ކުރެހުމާ އެއްވަރަށް މުޤައްދަސް އަދި އަގުހުރި މަސައްކަތެކެވެ.
އަނީޒްކާ 2018 ވަނަ އަހަރު މި ދުނިޔެ ދޫކޮށްފައިވީ ނަމަވެސް، އޭނާގެ މި އަގުހުރި ސަގާފީ ތާރީޚު ފަނޑުވެގެންދިޔަނުދީ ހިފެހެއްޓީ އޭނާގެ އާއިލާގެ ކުއްޖެއް ކަމަށްވާ މާރީ ޖަގޮޝޯވާއެވެ. މާރީ މިހާރު ދަނީ އެ އަވަށުގެ ފާރުތަކުގައި ކުރެހުންތައް ކުރަހައި، އަނީޒްކާގެ ހަނދާންތަކާއި އެ ސަގާފަތް ދިރުވައި އާލާކުރަމުންނެވެ. މިފަދަ ބައެއް އަގުހުރި ތާރީޚީ ތަންތަނަކީ ދާރުލްއާސާރުތަކުގައި ރައްކާކުރެވިފައި ހުންނަ ތަންތަނަށް ނުވިޔަސް، ދުނިޔޭގެ މީހުންނަށް ނުފެންނަ ކުދި އަވަށްތަކުގެ ފާރުތަކުގައި މިފަދަ އަގުނުކުރެވޭ ފަދަ ރީތި ތާރީޚުތައް ދިރިދެމިހުރެއެވެ.