ފީފާ ވޯލްޑް ކަޕް 2026 ގެ ގަދަ 16 ގެ ބުރުގައި ޕެރަގުއޭ އަތުން 1-0 އިން މޮޅުވެ، ފްރާންސް މުބާރާތުގެ ކުއާޓާ ފައިނަލަށް ދަތުރުކޮށްފިއެވެ. ފިލަޑެލްފިއާގައި ކުޅުނު މި މެޗުގައި ފްރާންސްގެ މަޝްހޫުރު ފޯވާޑް ކީލިއަން އެމްބާޕޭ އާއި އޮސްމާނޭ ޑެމްބެލޭގެ އެޓޭކަށް ވުރެ ބޮޑަށް ފާހަގަކޮށްލެވުނީ އެ ޓީމުގެ ވަރުގަދަ ޑިފެންސެވެ. ޕެރަގުއޭގެ ފިޒިކަލް އަދި ހަރުކަށި ކުޅުން، ފްރާންސްގެ ވިލިއަމް ސަލީބާ އާއި ޑަޔޮޓް އުޕަމެކާނޯ ހިމެނޭ ޑިފެންސް ލައިނުން ވަނީ ވަރަށް ހުޝިޔާރުކަމާ އެކު ކޮންޓްރޯލްކޮށް، ބައިކޮށްަށް ގޯލެއް ވަނިޔަނުދީ ހިފަހައްޓާފައެވެ.
މިއީ މިފަހަރުގެ ވޯލްޑް ކަޕްގައި ފްރާންސުން ބައިކޮށްަށް ގޯލެއް ވަނިޔަނުދީ ހިފެހެއްޓި (ކްލީން ޝީޓް ހޯދި) ތިންވަނަ މެޗެވެ. މީގެ ކުރިން ސްވިޑަން އާއި އިރާގާ ދެކޮޅަށް ކުޅުނު މެޗުތަކުގައި ވެސް ފްރާންސްގެ ޑިފެންސް ފެނުނީ ހަމަ މިފަދަ ވަރުގަދަކޮށެވެ. ފްރާންސްގެ ޑިފެންޑަރު ސަލީބާ ބުނި ގޮތުގައި، ޕެރަގުއޭގެ ކުޅުންތެރިން ފްރާންސްގެ ކުޅުންތެރިންނަށް ފައުލްކޮށް ޕްރޮވޯކް (ރުޅިއަރުވަން) ކުރަން އުޅޭނެކަމުގެ އިންޒާރު މެޗުގެ ކުރިން ކޯޗު ދިން ކަމަށާއި، އެހެންކަމުން ޓީމުން މެޗަށް ނުކުތީ ފުރިހަމަ ފޯކަސްއަކާ އެކު ފައިޓް ކުރަން ތައްޔާރުވެގެންނެވެ.
މިހާތަނަށް ކުޅުނު ފަސް މެޗުން އެންމެ ދެ ގޯލު ބައިކޮޅަށް ވަދެފައިވާ ފްރާންސްގެ ވަރުގަދަ ޑިފެންސް، ކުރިއަށް އޮތް ކުއާޓާ ފައިނަލްގައި ބޮޑު އިމްތިހާނަކާ ކުރިމަތިލާނެއެވެ. ބޮސްޓަންގައި ބުރާސްފަތި ދުވަހު ކުޅޭ ކުއާޓާ ފައިނަލް މެޗުގައި ފްރާންސް ނުކުންނާނީ މުބާރާތުގައި މޮޅު ކުޅުމެއް ދައްކަމުންދާ މޮރޮކޯއާ ދެކޮޅަށެވެ. މިއީ ސެމީ ފައިނަލްގެ ޖާގައަކަށް ވާތީ، މޮރޮކޯގެ އެޓޭކް ހުއްޓުވުމަކީ ފްރާންސްގެ ބަދަހި ޑިފެންސަށް ލިބޭނެ ވަރަށް ބޮޑު ޓެސްޓަކަށް ވެގެންދާނެއެވެ.