އިންޑިޔާގެ ޒުވާނަކު ކޯރަކަށް ފުއްމާލައިގެން އަމިއްލައަށް މަރުވެއްޖެއެވެ. އިންޑިޔާގެ ކުންދަރާ ސަރަހައްދުގެ ކައިރީގައި އޮންނަ ކައްލަޑާ ނަމަކަށް ކިޔާކޯރަށް ފުއްމާލައިގެން މަރުވެފައިވަނީ އަންހެނެކެވެ.
އުމުރުން 23 އަހަރުގެ ރެވާތީ ކްރިޝްނަން ނަމަކަށް މިޒުވާނާ އަމިއްލައަށް މަރުވިއިރު، އޭނާގެ ކައިވެންޏަށް އަހަރެެއްހާދުވަސް ވެފައިވާ ކަމަށް ރިޕޯޓުތައް ބުނެއެވެ.
އޭނާގެ އާއިލާ މީހަކާ ހަވާލީ ރިޕޯޓުތައް ބުނާ ގޮތުގައި އޭނާގެ ފިރިމީހާގެ އާއިލާއަކީ މުއްސަނދި އާއިލާއެއް ކަމަށާއި ރެވާތީ އަކީ އެ ސަރަހައްދުގެ ފަގީރު އާއިލާއެއްގެ މީހެއް ކަމަށެވެ. އޭނާ މަރުވުމުގެ ކުރިން އޭނާގެ ފިރިމީހާއަށް ފޮނުވި މެސެޖަކުން އެކަން ސާފުވާން އޮތްކަމަށްވެސް އެމީހާ ވަނީ ބުނެފައެވެ.
ރެވާތީ އޭނާގެ ފިރިމީހާ އާއި އެކު އުޅެމުން އައީ އޭނާގެ ފިރިމީހާގެ ގޭގައެވެ. ކައިވެންޏަށް ހަމަސްވީ ފަހުން އޭނާގެ ފިރިމީހާ ވަޒީފާ އަދާ ކުރަން އެހެން އަވަށަކަށް ބަދަލުވިއެވެ. ނަމަވެސް ރެވާތީ އޭނާގެ ފިރިމީހާގެ ގޭގައި މަޑުކުރިއެވެ.
ރިޕޯޓުތައްބުނާގޮތުން ރެވާތީ އަމިއްލައަށް މަރުވެފައިވަނީ އޭނާގެ ފިރިމީހާގެ އާއިލާގެ ފަރާތުން އޭނާއަށް ޖެއްސުމާއި އުނދަގޫތައް ކުރިމަތިވާތީއެވެ. އެއީ އޭނާގެ ފަގީރުކަމާއި އޭނާގެ ފިރިމީހާގެ އާއިލާގެ މުއްސަނދިކަމުގެ ބޮޑުކަމަށްވެސް ރިޕޯޓުތައް ބުނެއެވެ.
އޭނާ މަރުވުމުގެ ކުރިން އޭނާގެ ފިރިމީހާއަށްފޮނުވި މެސެޖުގައި، އެހެން އަންހެނަކު ހޯދުމަށާއި އޭނާ ކަހަލަ ފަގީރަކު ދެންވެސް ނުހޯދުމަށް ބުނެފައިވެއެވެ. އަދި އޭނާގެ ފިރިމީހާގެ އާއިލާމީހުން އެދޭކަހަލަ މުއްސަނދި އަންހެނަކު ހޯދުމަށްވެސް އެ މެސެޖުގައިވާކަމަށް ރިޕޯޓުތައް ބުނެއެވެ.
ެިއިންޑިޔާގައި މުއްސަނދިންނާއި ފަގީރުންގެ ފަރަގު ވަރަށްވެސް ބޮޑެވެ. އަދި އޭގެ ސަބަބުން އެގައުމުގައި ހިތްދަތި އެތައް ހާދިސާއެއް ވަނީ ހިނގާފައެވެ.