އީރާނުގެ ރައީސްގެ އޮފީހުގެ ޗީފް އޮފް ޕްރޮޓޮކޯލް ޢައްބާސް މޫސަވީ، އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ ދެއްކެވި ވާހަކަފުޅުތަކާ ގުޅިގެން، ތެހެރާނުން ބޭނުންވާ ގޮތަށް ހަނގުރާމަ ފުޅާކޮށް ވަރުގަދަކުރާނެ ކަމުގެ އިންޒާރު ދެއްވައިފިއެވެ. މޫސަވީ ވަނީ އެމެރިކާގެ ޢަމަލުތަކަށް ވަރުގަދަ ރައްދެއް ދޭނެ ކަމަށް ވިދާޅުވެފައެވެ.
މޫސަވީ ދެއްވި ބަޔާނުގައި ވިދާޅުވެފައިވަނީ، ކުރިއަށް އޮތް ތަނުގައި އީރާނުން ދޭނެ ރައްދަކީ ހަމައެކަނި "ލޮލަކަށް ލޮލެއް" ނުވަތަ "ބޮލަކަށް ބޮލެއް" ހިފުން ފަދަ އާދައިގެ ރައްދެއް ނޫން ކަމަށެވެ. އަދި އޭގެ ބަދަލުގައި އެއީ "ލޮލެއްގެ ބަދަލުގައި މުޅި ހަށިގަނޑު" ނައްތާލުން ފަދަ ވަރުގަދަ ރައްދަކަށް ވެގެންދާނެ ކަމަށާއި، މިއީ ހަމައެކަނި އަނގަބަހުން ދޭ އިންޒާރެއް ނޫން ކަމަށްވެސް އޭނާ ވިދާޅުވިއެވެ.
މި ވާހަކަތަކާއެކު ދެ ގައުމުގެ މެދުގައި އުފެދިފައިވާ ނުތަނަވަސްކަން އިތުރަށް ބޮޑުވެ، ސަރަޙައްދީ ހަމަޖެހުމަށް އިތުރު ގޮންޖެހުންތަކެއް ވަނީ ކުރިމަތިވެފައެވެ. އަދި މަސްރަޙު ދިރާސާކުރާ ފަރާތްތަކުން ދަނީ މިކަމުގެ ސަބަބުން ކުރިއަށް އޮތް ތަނުގައި ނުކުމެދާނެ ނަތީޖާއަކާމެދު ކަންބޮޑުވުން ފާޅުކުރަމުންނެވެ.