އެމެރިކާގެ އެކި ސްޓޭޓްތަކުގެ ފެނުގެ ނިޒާމުތަކަށް ދެމުންދާ ސައިބާ ހަމަލާތަކުގެ ފަހަތުގައިވަނީ އީރާން ކަމަށް އެމެރިކާގެ ސައިބާ ސެކިއުރިޓީ މާހިރުންނާއި އިންޓެލިޖެންސް އިދާރާތަކުން ތުހުމަތުކޮށްފިއެވެ.
އެމެރިކާގެ އެފްބީއައި އާއި ސައިބާ ސެކިއުރިޓީ އެޖެންސީން ވަނީ ފެނުގެ ހިދުމަތް ދޭ ތަންތަނަށް ހަމަލާތައް އަމާޒުވަމުންދާތީ ރައްކާތެރިކަމުގެ ފިޔަވަޅުތައް ވަރުގަދަކުރުމަށް އަންގައިފައެވެ.
މި ހަމަލާތަކުގައި އެމެރިކާގެ ހަތް ސްޓޭޓެއްގެ ފެނުގެ ނިޒާމަށް އަސަރުކޮށްފައިވާއިރު، މިނެސޯޓާ ސްޓޭޓުން އެކަނިވެސް 30 އަށްވުރެ ގިނަ ފެނުގެ ނިޒާމަށް ވަނީ މި ހަމަލާގެ ނުފޫޒު ފޯރާފައެވެ. ސައިބާ މާހިރުން ބުނާ ގޮތުގައި، މި ހަމަލާތަކުގެ މަގުސަދަކީ އެމެރިކާގެ އާންމުންގެ މެދުގައި ބިރުވެރިކަން އުފެއްދުމާއި، އީރާނުގެ ސައިބާ ގާބިލުކަން ދެއްކުމެވެ.
ނަމަވެސް، އެމެރިކާގެ ރައީސް ޑޮނަލްޑް ޓްރަމްޕް ވަނީ މި ހަމަލާތަކުގެ ފަހަތުގައި އީރާން އޮތް ކަމަށް ކުރެވޭ ތުހުމަތުތައް ދޮގުކުރައްވައިފައެވެ. ޓްރަމްޕް ވިދާޅުވީ، މިއީ އީރާނުން ދިން ހަމަލާއެއް ނޫން ކަމަށާއި، މި ކަމުގެ ޒިންމާ ނަގަންޖެހޭނީ ސްޓޭޓްތަކުގެ ވެރިން ކަމަށެވެ. އެހެންނަމަވެސް، ސައިބާ ސެކިއުރިޓީ އިދާރާތަކުން ދަނީ މި ހަމަލާތަކުގެ ތަހުގީގު އިތުރަށް ކުރިއަށް ގެންދަމުންނެވެ.