މިސްރުގެ މަޝްހޫރު ފުޓްބޯޅަ ތަރި މުހައްމަދު ސަލާހާއި އޭނާގެ އަންހެނުން މާޖީއަށް ތިންވަނަ ދަރިއަކު ލިބި، އާއިލާއަށް އާ މެންބަރަކު އިތުރުވެއްޖެއެވެ.
މިފަހަރު މި ދެމަފިރިންނަށް ލިބިފައިވަނީ ފިރިހެން ކުއްޖެކެވެ. މިއީ ސަލާހުގެ އާއިލާއަށް އުފަންވި ފުރަތަމަ ފިރިހެން ދަރިފުޅެވެ.
މި އުފާވެރި ހަބަރު އެންމެ ފުރަތަމަ އާންމުކުރީ ތުރުކީގެ ޓްރަބްޒޮންސްޕޯ ކްލަބުގެ ރައީސް އެރްތުގްރުލް ދޯގަންއެވެ. އޭނާ ހާމަކުރި ގޮތުގައި ސަލާހަށް ފިރިހެން ކުއްޖަކު ލިބުނުއިރު، އޭނާއާ އެކު ކުޅޭ އަންދްރޭ އޮނާނާއަށް ވެސް ވަނީ އެއްމާބަނޑު ދެކުދިން ލިބިފައެވެ.
ސަލާހުގެ ދައްތަ ރަބާބް ފަހުން ވަނީ މި ހަބަރު ކަށަވަރުކޮށްދީފައެވެ. އަދި ފިރިހެން ދަރިފުޅަށް "ލައިލް" ގެ ނަމުން ނަން ދީފައިވާކަން ވެސް އޭނާ ވަނީ ހާމަކޮށްފައެވެ.
މިއީ ސަލާހާއި މާޖީގެ ތިންވަނަ ދަރިފުޅެވެ. މީގެ ކުރިން މި ދެމަފިރިންނަށް ލިބިފައިވަނީ ދެ އަންހެން ކުދިންނެވެ. އެއީ މައްކާ އަދި ކަޔާންއެވެ. މި އާ ދަރިފުޅާ އެކު އެމީހުންގެ އާއިލާ މިހާރު މިވަނީ އިތުރަށް ފުރިހަމަވެފައެވެ.
އަލަށް އުފަންވި ދަރިފުޅާއި އަންހެނުންގެ ގާތުގައި ހުރުމަށްޓަކައި، ސަލާހު ވަނީ މި ހަބަރު ލިބުމާ އެކު ތުރުކީން ފުރައިގެން އިންގްލެންޑަށް ގޮސްފައެވެ. މި ދަތުރާ އެކު ސަލާހު މިވަގުތު ހޭދަކުރަމުން ދަނީ އާއިލީ އުފާވެރި ވަގުތުތަކެކެވެ.