އަނގައިގެ ވަސްނުބައިވުމަކީ ގިނަ ބަޔަކަށް ދިމާވާ، އިޖުތިމާޢީ ގުޅުންތަކަށް އަސަރުކުރުވާ އުނދަގޫ މައްސަލައެކެވެ. މި މައްސަލަ ދިމާވާ މައިގަނޑު ސަބަބަކީ އަނގައިގެ ތެރޭގައި އުފެދޭ ބެކްޓީރިއާގެ ސަބަބުން ކާނާގެ ބައިތައް ފީވެ، ނުބައި ވަސްދުވާ ގޭސްތައް އުފެދުމެވެ. މީގެ އިތުރުން، ދަތްޕިލައާއި ދޫ ރަނގަޅަށް ސާފުނުވުމާއި، އަނގަ ހިކުމާއި، ދުންފަތުގެ އިސްތިއުމާލުކުރުން، އަދި ބައެއް ކަހަލަ މައިދާގެ މައްސަލަތަކާއި ސައިނަސްގެ އިންފެކްޝަންތަކަކީވެސް އަނގައިގެ ވަސްނުބައިވާ މައިގަނޑު ސަބަބުތަކެވެ.
މި މައްސަލައަށް ގޭގައި ތައްޔާރުކޮށްލެވޭނެ އެންމެ ޚާއްޞަ އަދި ފަރުވާތެރި އެއް ޙައްލަކީ "ކަރަންފޫ އަދި ކާފޫރުތޮޅި ފެން" ބޭނުންކުރުމެވެ. ކަރަންފުލުގައި ހިމެނޭ "ޔޫޖިނޯލް" މާއްދާއަކީ ގުދުރަތީ ގޮތުން ބެކްޓީރިއާ ނައްތާލައި، އަނގައިގެ ތެރޭގައި ހުންނަ އިންފެކްޝަންތައް ކުޑަކޮށްދޭ އެންޓިބެކްޓީރިއަލް މާއްދާއެކެވެ. މީގެ އިތުރުން ކާފޫރުތޮޅިއަކީ އަނގައިގެ ވަސް ނައްތާލައި، ދިގު މުއްދަތަކަށް ތާޒާކަން ދަމަހައްޓައިދޭ މީރު ވަހެއް އެކުލެވޭ އެއްޗެކެވެ.
މި ފަރުވާ ތައްޔާރުކުރުމަށްޓަކައި، އަޅައި، އޭގެ ތެރެއަށް 3 ނުވަތަ 4 ކަރަންފުލާއި 2 ކާފޫރުތޮޅި ޗަސްކޮށްލުމަށްފަހު އަޅާށެވެ. އެއަށްފަހު ފެންފޮދު 5 މިނެޓު ވަންދެން ކައްކައި، އޭގެ ކުލަ ފެނަށް ފޭދުމުން އުނދުންމަތިން ބާލައި ހިހޫކޮށްލަން ބަހައްޓާށެވެ. ފެންފޮދުގެ ހޫނުކަން ކެނޑުމުން ފުރާނާލުމަށްފަހު، ދަތްއުނގުޅައި ނިމިގެން 30 ސިކުންތު ވަންދެން އަނގައަށް އަޅައިގެން އަނގަދޮވެލާށެވެ.
މި ގުދުރަތީ ފަރުވާއަކީ އަނގައިގެ ވަސް ނައްތާލުމަށް ވަރަށް އަވަސް އަދި ފުރިހަމަ ޙައްލެއް ދޭ އެއްޗެކެވެ. ނަމަވެސް، މިއާއެކު ދުވަހުން ދުވަހަށް ދަތްޕިލައާއި ދޫ ރަނގަޅަށް ސާފުކުރުމާއި، ގިނައިން ފެންބުއިން މުހިއްމެވެ. ދާއިމީގޮތެއްގައި އަނގައިގެ ވަސްނުބައިވާނަމަ، ސިއްޙީ އެހެން މައްސަލައެއް އުޅޭތޯ ބެލުމަށްޓަކައި ދަތުގެ ޑޮކްޓަރަކަށް ދެއްކުން މުހިއްމެވެ.
ހަވާލާ: ހެލްތް ލައިން 2025.