މަޝްހޫރު މޮޑެލް އަދި ވިޔަފާރިވެރިޔާ ކައިލީ ޖެނަރ، ވިކްޓޯރިއާސް ސީކްރެޓް ފެޝަން ޝޯގައި 50 މިލިއަން ޑޮލަރުގެ "ފެންޓަސީ ބްރާ" އެއް އަޅައިގެން ފެނިލުމާއެކު ގިނަ ބައެއްގެ ސަމާލުކަން ހޯދައިފި އެވެ.
މި ފަހަރުގެ ޝޯގައި ކައިލީ އަޅައިގެން ހުރި "ފެންޓަސީ ބްރާ" އަކީ އެތައް ހާސް އަގުބޮޑު ޖަވާހިރަކުން ޖަރީކޮށްގެން ހަދާފައިވާ އެއްޗެކެވެ. މިއީ ވިކްޓޯރިއާސް ސީކްރެޓްގެ ތާރީހުގައި ވެސް މިހާތަނަށް ދައްކާލި އެންމެ އަގުބޮޑު އެއް އުފެއްދުމަށް ވާއިރު، މީގެ ސަބަބުން މި އަހަރުގެ ޝޯއަށް މީޑިއާތަކުގެ ސަމާލުކަން ވަރަށް ބޮޑަށް ލިބުނެވެ.
އެމެރިކާގެ ނިއުޔޯކުގައި ބޭއްވި މި ފެޝަން ޝޯގައި ކައިލީ ހިނގަމުން ދިޔަ ވަގުތު، އޭނާގެ ލޯބިވެރިޔާ އަދި ހޮލީވުޑްގެ އެކްޓަރު ޓިމޮތީ ޗަލަމޭ އާއި މަންމަ ކްރިސް ޖެނަރ ތިބީ ފްރަންޓް ރޯގައި އޭނާއަށް ހިތްވަރު ދޭށެވެ. ޓިމޮތީ އޭނާއަށް ތަރުހީބު ދެމުން އަތްޖަހަމުން ދިޔަ މަންޒަރު ވަނީ ސޯޝަލް މީޑިއާގައި ވެސް ވަރަށް ބޮޑަށް ވައިރަލް ވެފަ އެވެ.
މި ފަހަރުގެ ޝޯގައި ކައިލީ އަޅައިގެން ހުރި "ފެންޓަސީ ބްރާ" އަކީ އެތައް ހާސް އަގުބޮޑު ޖަވާހިރަކުން ޖަރީކޮށްގެން ހަދާފައިވާ އެއްޗެކެވެ. މިއީ ވިކްޓޯރިއާސް ސީކްރެޓްގެ ތާރީހުގައި ވެސް މިހާތަނަށް ދައްކާލި އެންމެ އަގުބޮޑު އެއް އުފެއްދުމަށް ވާއިރު، މީގެ ސަބަބުން މި އަހަރުގެ ޝޯއަށް މީޑިއާތަކުގެ ސަމާލުކަން ވަރަށް ބޮޑަށް ލިބުނެވެ.
މި ހަރަކާތާ ގުޅޭގޮތުން ޝޯ އިންތިޒާމުކުރި ފަރާތުން ބުނީ މިއީ މި އަހަރުގެ އެންމެ ފާހަގަކޮށްލެވޭ އެއް ވަގުތު ކަމަށެވެ. "ކައިލީގެ މި ހުށަހެޅުމަކީ ޝޯގެ ތާރީހުގައި ވެސް ފާހަގަކޮށްލެވޭ ވަރަށް ހާއްސަ އަދި ތަފާތު ވަގުތުކޮޅެއް،" ޝޯގެ އޮފިޝަލަކު ބުންޏެވެ.
މިއީ ކައިލީ ވިކްޓޯރިއާސް ސީކްރެޓް ޝޯއެއްގައި ބައިވެރިވި ފުރަތަމަ ފަހަރު ކަމަށް ވުމުން، މިއީ އޭނާގެ މޮޑެލިން ކެރިއަރަށް ލިބުނު ބޮޑު ކުރިއެރުމެއްގެ ގޮތުގައި ފެޝަން ދާއިރާގެ ތަޖުރިބާކާރުން ބަލަ އެވެ. އަދި މި ޝޯއަށް ފަހު ގިނަ ބަޔަކު އަންނަނީ އޭނާގެ ހިނގުމަށާއި ހެދުމަށް ތައުރީފު ކުރަމުންނެވެ.