މާލޭ ވިޔަފާރި ބަނދަރުގެ ހިދުމަތްތައް ތިލަފުއްޓަށް ބަދަލުކުރުމުގެ ބޮޑު މަޝްރޫއުގެ ދަށުން، ތިލަފުށީ ކާގޯ ޓާމިނަލް (ޓީސީޓީ) ގެ އޮޕަރޭޝަންތައް އެމްޕީއެލް އިން ރަސްމީކޮށް ފަށައިފިއެވެ. މިއީ ރާއްޖޭގެ މައި ބަނދަރު ތިލަފުއްޓަށް ބަދަލުކުރުމަށް ކުރިއަށްގެންދާ މަސައްކަތުގައި އެޅުނު މުހިންމު ފިޔަވަޅެކެވެ.
މި ފިޔަވަހީގެ ފުރަތަމަ މަރުހަލާގައި ތިލަފުށީ ކާގޯ ޓާމިނަލުން ފަށާފައިވަނީ ކަނޑުމަގުން ކްލިއާކުރާ އެފްސީއެލް (ފުލް ކޮންޓޭނަރު ލޯޑު) ކޮންޓޭނަރުތައް ބެލެހެއްޓުމުގެ މަސައްކަތެވެ. މިގޮތުން، ކަނޑުމަގުން ގެންނަ މުދާ އެތެރޭގައި ހުންނަ ގޮތަށް ހުންނަ ކޮންޓޭނަރުތައް ސީދާ ބޯޓުފަހަރަށް ބަރުކުރުމުގެ ހިދުމަތް މިހާރު ވަނީ ފަށާފައެވެ.
ކުރިއަށް އޮތް ތަނުގައި މި ޓާމިނަލްގެ ހިދުމަތްތައް އިތުރަށް ފުޅާކުރުމަށް ވަނީ ހަމަޖެހިފައެވެ. އެގޮތުން، ކޮންޓޭނަރުތަކުން މުދާ ހުސްކޮށްގެން ދޭ ހިދުމަތްތައްވެސް ވަރަށް އަވަހަށް ތިލަފުށީ ޓާމިނަލުން ދޭން ފަށާނެ ކަމަށް އެ ކުންފުނިން ބުންޏެވެ.
މާލޭ ވިޔަފާރި ބަނދަރުގެ ހުރިހާ އޮޕަރޭޝަންތަކެއް އެއްކޮށް ތިލަފުއްޓަށް ބަދަލުކޮށް ނިންމުމަށް އަމާޒު ހިފާފައިވަނީ 11 ނޮވެމްބަރު 2027 އަށެވެ. މި މަޝްރޫއު އެއްކޮށް ނިމުމުން، ޒަމާނީ ވަސީލަތްތަކާ އެކު މުދާ ބޭލުމާއި ބަރުކުރުމުގެ މަސައްކަތްތައް މިހާރަށް ވުރެ އެތައް ގުނައެއް އަވަސްވެގެންދާނެ އެވެ.
މި ބަދަލާ އެކު، މާލޭގެ މަގުތަކުގައި ބަރު އުޅަނދުފަހަރު ދުއްވުން މަދުވެ، މާލޭގެ ތޮއްޖެހުމަށް ބޮޑު ހައްލެއް ލިބިގެންދާނެ ކަމަށް ބެލެވެ އެވެ. އަދި ބޯޓުފަހަރު ބަނދަރުގައި މަޑުކުރަންޖެހޭ ވަގުތު ކުޑަވެ، މުދާ އެތެރެކުރުމުގެ ހަރަދުތައް ކުޑަވުމަކީ ދިވެހި ވިޔަފާރިވެރިންނަށާއި އާންމު ރައްޔިތުންނަށް އޭގެ ފައިދާ ކުރާނެ ކަމެކެވެ.