އައިސް ކްރީމަކީ ގިނަ ބަޔަކަށް ވަރަށް މީރު އެއްޗެއް. އައިސް ކްރީމުގެ އެކި އެކި ރަހަތައް މިހާރު ދުނިޔޭގައި ބޭނުން ކުރޭ. ނަމަވެސް އެންމެ ފުރަތަމަ އައިސް ކްރީމުގެ ގޮތުގައި ބޭނުން ކުރެވުނު ރަހަ ނުވަތަ ފްލޭވާ އަކީ ކޮބައިކަން ދެނަހުރީމުތަ؟ ބުނެވޭ ގޮތުގައި އައިސް ކްރީމް އުފެދުނީ އައިސް ނުވަތަ ސްނޯ އާއި އެކު މާމުއި ކެއުމަށް ބޭނުން ކުރަމުން ދިޔަ ދުވަސްވަރެއްގައި. އެއީ މީލާދުން 16 ވަނަ ގަރުނުގެ ތެރޭގައި ކަމަށް ބުނެވޭ. އެދުވަސްވަރު އިނގިރޭސިންގެ ރަސްކަމުގައި ހުންނެވި ކިންގް ޗާލީ 2 ގެ ދުވަސްވަރު އައިސް އާއި އެކު ޒާތެއްގެ ކިރެއް ނުވަތަ ކްރީމެއް އެއްކޮށް ކެއުމަށް ބޭނުން ކުރަމުން ދިޔަ. މި ކެއުން ހުންނަނީ އައިސް ކްރީމް ހުންނަ ހެން. އައިސް އާއި އެކު ކްރީމެއް ބޭނުން ކުރެވެމުން ދިއުމުން އެއަށް އައިސް ކްރީމް އޭ ކިޔުނު. މި ކެއުމުގެ ހަގީގަތް އެ މީހުން ވަނީ ދުވަސް ތަކަކަށް ސިއްރުކޮށްފައި. ނަމަވެސް ގްރޭސް ގްރެންވިލް ނަމަކަށް ކިޔާ މީހަކު އެ އައިސްކްރީމު ހަދާ ގޮތް ވަނީ ލިޔެފައި. އޭގައި ބުނާގޮތުން ކިރުން ތައްޔާރު ކުރާ ކްރީމެއް ހާއްސަ ފެނެއްގެ ތެރެއަށް އެޅުމަށްފަހު އައިސް ހަދާ. މި ފެނަކީ މި އައިިސް ކްރީމުގައި ރަހަ ދޭ ބައި. އޭނާ ލިޔެފައިވާ ގޮތުން މި ފެނަކީ އޮރެންޖު ގަހުގެ މާފެން.

އެހެން ކަމުން ބުނެވޭ ގޮތުގައި އައިސް ކްރީމުގެ އެންމެ ފުރަތަމަ ފްލޭވާރ އަކީ އޮރެންޖު މަލުގެ ފްލޭވާރ. މުޅި ދުނިޔެއަށް އައިސް ކްރީމް ތައާރަފްވީ 18 ވަނަ ގަރުނުގެ ތެރޭގައި. އެންމެ ފުރަތަމަ އައިސް ކްރީމުގެ އިސްތިހާރެއް ފެނިފައި ވަނީ 1777 ވަނަ އަހަރުގެ މެއި މަހުގެ 12 ވަނަ ދުވަހު ނިއުޔޯކުގެ ގެޒެޓުން. 19 ވަނަ ގަރުނުގެ ތެރޭގައި ތަފާތު އެކި ގޮތް ގޮތަށް އައިސް ކްރީމް އުފައްދާ ބޭނުން ކުރަމުން ގެންދިޔަ. އަދި ތަފާތު އެކި ރަހަތަކާއި އެކު މި ސިނާއަތް ކުރިއަރައިގެން ދިޔަ. ބުނެވޭގޮތުވައި ވެނީލާ އަކީ ދުނިޔޭގައި އެންމެ ގިނައިން ހިނގާ އެއް ފްލޭވާރ. ނަމަވެސް ވެނީލާގެ މާކުރިންވެސް ޗޮކޮލެޓް ފްލޭވާރ ބޭނުން ކުރަމުން އައިކަމަށް ބުނެވޭ.