ކަރަންޓަކީ ވަރަށް ގިނަ ތަންތަނުގައި ހުންނަ އެއްޗެއް. އެގޮތުން އިންސާނާގެ ހަށިގަނޑުގައިވެސް ކަރަންޓުގެ މިންވަރެއް ހުރޭ. އިންސާނާގެ ހަށިގަނޑުގައި ހުންނަ ސެލްތައް ނުވަތަ ހަތައިތަކަކީ ކަރަންޓު ކޮންޑަކްޓް ކުރުމުގެ ގާބިލުކަން ލިބިފައި ހުރި ސެލްތަކެއް. މި ސެލްތަކުގައި ހުންނަ ސޯޑިއަމް، ޕޮޓޭސިއަމް، ކެލްސިއަމް އަދި މެގްނީސިއަމް އަކީ މިކަމުގައި މުހިންމު ދައުރެއް އަދާކުރާ މާއްދާތަކެއް. ހަށިގަނޑުގައި ކަރަންޓު އެކުލޭ މައިގަނޑު ދެ ގުނަވަނެއް ވޭ. އެއީ ސިކުނޑި އާއި ހިތް. ސިކުނޑީގައި ހުންނަ ނާރުތަކުގެ މެދުގައި ސިގްނަލް ނުވަތަ މެސެޖު ދައުރުވަނީ ކަރަންޓުގެ ބާރެއްގެ އެހީގައި. މި ކަރަންޓުގެ ސިގުނަލް ދެނެގަތުމަށް އީ.އީ.ޖީ ނަމަކަށް ކިޔާ ޓެސްޓެއް ހަދާ. މިއީ އެލެކްޓްރޯއެންސެފެލޯގްރަފީ. ބޮލުގައި "ލީޑް" ތަކެއް ތަތްކޮށްގެން ހަދާ މި ޓެސްޓުން ސިކުނޑީގެ ތެރޭގައި ދައުރުވާ ކަރަންޓުގެ ސިގްނަލްތައް ދެނެގަނެވޭ. އަދި އެކަމުގެ ތަރުތީބުގައި އުނިކަމެއް ވާނަމަ އެކަން ފާހަގަ ކުރެވޭ.

އިންސާނާގެ ހިތުގެ މަސްތައް ހުއްޓުމެއް ނެތި ހަރަކާތް ކުރަމުން ދަނީ ހިތުގައި ހުންނަ "ނޯޑް" ނަމަކަށް ކިޔާ ބަޔަކުން ފޮނުވާ ކަރަންޓު އިމްޕަލް ނުވަތަ ސިގްނަލް ތަކަކުން. މި ސިގްނަލް ހިތުގެ މަސްތަކަށް ލިބުމުން މަސްތަށް މަސައްކަތް ކުރޭ. ހިތުގައި ހިނގާ މި ކަރަންޓުގެ ސިގުނަލް ދެނެގަތުމަށް އީ.ސީ.ޖީ ނަމަކަށް ކިޔާ ޓެސްޓެއް ހަދާ. މިއީ އެލެކްޓްރޯކާޑިއޯގްރާމް. އިންސާނާގެ މާ މަތީގައި "ލީޑް" ތަކެއް ތަތްކޮށްގެން ހަދާ މި ޓެސްޓުން ހިތުގައި ހިނގާ ކަރަންޓުގެ ސިގްނަލްތައް ދެނެގަނެވޭ. އަދި ހިތުގެ ތަރުތީބާ ކަސިޔާރު ސިގްނަލެއް ދޭނަމަ މި ޓެސްޓުން ދެނެގަނެވޭ. އިންސާނާވެ ހިތް ހުއްޓުމުން ޑީ.ސީ ޝޮކް ނަމަކަށް ކިޔާ ޝޮކެއް ދޭ. މިއީ ހިތުގެ މި މަސްތަކަށް ކަރަންޓުން ދޭ ޝޮކެއް. އެއީ އެ މަސްތައް މަސައްކަތް ކުރޭތޯ. އެހެން ކަމުން އެނގިގެން މި ދަނީ އިންސާނާގެ ހަށިގަނޑުގައިވެސް ކަރަންޓުގެ ބާރު ތަކަކާއި ނިޒާނުތަކެއް ފުރިހަމަ ވެފައި ވާކަން. މިއީ ކުޅަދުންވަންތަ ކަމުގެ ކިހާ ފުރިހަމަ މިސާލެއް ހެއްޔެވެ؟