ފެނަކީ އެއާއި ނުލާ އިންސާނާއަށް ނޫޅެވޭނޭ އެއްޗެއް. އަދި ފެނަކީ ގިނަ ދިރުންތަކުގެ މާހައުލު. ފެނުގައި އެތައް ހާސް ދިރުންވޭ. ދުނިޔޭގައިވާ ފެނުގެ 97 އިންސައްތަ އަކީ ލޮނުފެން. މިއީ ފެނުގެ ތެރެއިން ދުނިޔޭގެ ބޮޑެތި ކަނޑުތަކުގެ އިންސައްތަ. މިއީ އިންސާނުން އެކި އެކި ބޭނުންތައް ކުރުމަށް ކަމުދާނޭ ފެނެއް ނޫން. ފެނުގެ 2 އިންސަތަ ފެން ވަނީ ދުނިޔޭގެ ދެ ދަނޑީގައި. އެއީ ދެކުނު އަދި އުތުރު ދަނޑި. މި ދެ ދަނޑީގައި ހުންނަ މި 2 އިންސައްތަ ފެނަކީ ގަނޑުވެފައި ހުންނަ ފެން. އެއީ ވެސް އިންސާނުންނަށް ބޭނުން ނުކުރެވޭ ފެނެއް. ފެނުގެ އިންސަތައިން އެންމެ 1 އިންސައްތަ ފެން ނޫނީ އިންސާނުން ބޭނުން ކުރަން ލިބިފައެއް ނުވޭ. މި 1 އިންސައްތަ ފެނުގެ ތެރޭގައި ހުރިހާ މީރުފެނެއް ހިމެނޭ. މި 1 އިންސައްތަ އަކީ އިންސާނުން ބުއިމަށާއި ކެއްކުމަށާއި ފެންވެރުމަށާއި ދަނޑުވެރިކަން ކުރުމާއި އަދި އެނޫންވެސް އެފަދަ ބޭނުންތައް ކުރުމަށް ބޭނުން ކުރެވޭ ފެނުގެ އިންސައްތަ. ޤުދުރަތީގޮތުން ކަން އޮތީ މިހެން ނަމަވެސް ޓެކްނޮލޮޖީގެ އައު ހޯދުން ތަކުން ކަނޑުގެ ލޮނު ފެން ފުރޭނުމަށްފަހު އިންސާނުންގެ އެކި ބޭނުންތަކަށް ފުދޭނޭ ފެންވަރަށް ސާފު ކުރޭ. ނަމަވެސް އަސްލަކީ ފެނުގެ އެންމެ އިންސައްތަ އެއް ނޫނީ އިންސާނުން ބޭނުކުރަން ކަމު ނުދާކަން. މި އެއް އިންސައްތަ ފެނުން އިންސާނާ ފެން ބޭނުން ކުރާއިރު، އިސްރާފު ކުރުން ވީހާވެސް މަދުކުރުން މުހިންމު.