އިންޑިޔާގެ މަތިންދާ ބޯޓެއް ބްރިޖެއްގެ ދަށުގައި ތާށިވެއްޖެއެވެ.
ނިއު ދިއްލީގެ އެއާޕޯޓް ސަރަހައްދުގައި ހުރި ބްރިޖެއްގެ ދަށުގައި ތާށިވެފައި ވަނީ އެއާ އިންޑިޔާގެ ފްލައިޓެކެވެ. މީސްމީޑިޔާގައި މި ފްލައިޓް ބްރިޖް ދަށުގައި ތާށިވެފައިވާތަން ފެންނަ ފޮޓޯއާއި ވީޑިއޯތައް ދަނީ ދައުރުވަމުންނެވެ.
ރިޕޯޓްތައް ބުނާގޮތުގައި މި ފްލައިޓަކީ ދިއްލީ އެއާޕޯޓަށް ނިސްބަތްވާ ފްލައިޓެއް ނޫނެވެ. އަދި މި ފްލައިޓް އަކީ މިހާރު ދަތުރުކުރަން ބޭނުންކުރާ ފްލައިޓެއްވެސް ނޫނެވެ.
އެއާ އިންޑިޔާއިން ބުނެފައިވަނީ މި ފްލައިޓް ދަތުރުކުރަމުން ދިޔައީ މަގުމަތިން ކަމަށެވެ. އަދި އެ ފްލައިޓްގައި އެއްވެސް ފިޔަގަނޑެއްވެސް ނެތެވެ.
ރިޕޯޓުތައް ބުނާގޮތުގައި މި ބޯޓަކީ ބޭނުން ނުކުރާ ބޯޓެކެވެ. އަދި ބޯޓު ބްރިޖުގެ ދަށުގައި ތާށިވީ ބޯޓު އޮތްތަން ނޫން އެހެން ތަނަކަށް ގެންދަން އުޅުމުގެ މަގުމަތީގައެވެ. މި ހާދިސާގައި އެ ބޯޓަށާއި ބްރިޖަށް އެކިވަރުވެ ގެއްލުންތައް ވެފައިވާ އިރު މިހާދިސާގައި އެއްވެސް މީހަކަށް އަނިޔާވެފައެއް ނުވެއެވެ. ބައެއް ރިޕޯޓުތައް ބުނާ ގޮތުގައި 2019 ވަނަ އަހަރުވެސް އެ ބްރިޖުގެ ދަށުގައި ވަނީ އެގޮތަށް ގެންދިޔަ ބޯޓެއް ތާށިވެފައެވެ.