ކޮންމެ މޯބައިލް އެޕްލިކޭޝަނަކީ އެއަށް ހާއްސަ އައިކަން އެއް ހުންނަ އެއްޗެއް. އެގޮތުން އެކި އެޕްލިކޭޝަން ތަކުގައި ތަފާތު މޮޅު އެކި ކުލަ ކުލައިގެ އައިކަންތައް ހުރޭ. އެގޮތުން މަޝްހޫރު އެއް އެޕްލިކޭޝަން ކަމުގައިވާ ޓްވިޓަރ ގެ އައިކަން އިން ރަމްޒުކޮށްދެނީ ނޫކުލައިގެ ނުވަތަ ހުދުކުލައިގެ ދޫންޏެއް. މި ދޫންޏަކީ ހަމިންބާޑް ނަމަކަށް ކިޔާ ދޫނީގެ ބާވަތަކާ ވައްތަރު ދޫންޏެއް. މި ލޯގޯ ނުވަތަ އައިކަން ފަރުމާކޮށްފައިވަނީ މާރޓިން ގްރެސާ ނަމަކަށް ކިޔާ މީހެއް.

ޓްވިޓަރގެ މި ލޯގޯ ނުވަތަ އައިކަންގައި ދޫންޏެއް ސިފަވާން އިން ނަމަވެސް އެ އައިކަންގައި ފޮރުވިފައިވާ 15 ވަށްބޮޅު ހިމެނޭ. އެ ދޫނި ފަރުމާވެފައިވަނީ އެ 15 ވަށްބޮޅުގެ މައްޗަށް. މި ލޯގޯ ނުވަތަ އައިކަން ފަރުމާކުރި މާރޓިން ބުނާ ގޮތުގައި އެކީއެކަށް ގުޅި ލާމެހިފައިވާ އެ 15 ވަށްބޮޅުން ރަމްޒުކޮށްދެނީ މުޅި ދުނިޔެ އެކީ އެކައްޗަކަށް ގުޅިގެން ދާ ކަން. އަދި އެ 15 ބޮޅު ބޭނުންކޮށްގެން ރީތި އެއް ކުރެހުން އުފެދުމުގެ މާނައަކީ އެކި އެކި ހިޔާލުތައް ހުށަހަޅާ، ކަމެއްގެ ނުވަތަ މައްސަލައެއްގެ ހައްލު ހޯދުމަށް ޓްވިޓަރ ބޭނުން ކުރެވޭނޭކަން. އަދި މަގުސަދަކީވެސް އެއީކަން. މި 15 ވަށްބޮޅަކީ އެކި މިންތަކުގެ 15 ވަށްބޮޅު. ކުރެހުންތެރިން އެމީހުންގެ މިފަދަ ހުނަރުވެރި މަސައްކަތްތަކުގައި ފޮރުވިފައިވާ މެސެޖުތަކެއް އަބަދުވެސް ފޮރުވާފައިވޭ.