މޫނުގެ ހަންގަނޑު ރީތިކޮށް ބެހެއްޓުމަކީ ކޮންމެ މީހަކުވެސް ކުރަން ބޭނުންވާ ކަމެކެވެ. މޫނުގައި ބިހި ނަގާތީ އެކަމުން ސަލާމަތް ވުމަށްޓަކައި އެކި ކަހަލަ ބޭސްތައް ކައި، އުނގުޅާ މަންޒަރު ފެނެއެވެ. ހެދުނު ހޭލުމަށްފަހު ގެއިން ބޭރަށް ނިކުތުމުގެ ކުރިން މޫނުގެ ހަންގަނޑު ބޭރުގެ އެ އަނިޔާވެރި ވެއްޓަށް ތައްޔާރުކުރަން ޖެހޭނެއެވެ. އަދި ރޭގަނޑު ނިދުމުން މޫނުގެ ސެލްތައް އާކުރާނެތީވެ އެކަމަށް މޫނުގެ ހަނގަނޑު ތައްޔާރުކުރަން ޖެހޭނެއެވެ. އޭރުން އަބަދުވެސް ތާޒާކޮށް މޫނު ބެހެއްޓުމަށް ފަސޭހަވާނެއެވެ.

ބިޒީޝެޑިއުލްގައި އުޅޭ މީހުންނަށް މޫނުގެ ހަންގަނޑު ރީތިކޮށް ބެހެއްޓުމަށްޓަކައި ގޭގައި އަމިއްލަ އަށް ފޭސް މާސްކް ތައްޔާރު ކުރެވިދާނެއެވެ. މިފަހަރު ހިއްސާ މިކޮށްލަނީ ކުޑަ ޚަރަދަކުން ގޭގައި ތައްޔާރު ކުރެވިދާނެ މާސްކެވެ.

އެލޯވެރާ

އެލޯވެރާ އަކީ ސިއްހީ ގިނަ މައްސަލަތަކަކަށް ހައްލު ހޯދުމަށް ޒަމާނުއްސުރެ ބޭނުން ކުރަމުން އަންނަ އެއްޗެކެވެ. އެލޯވެރާ ފަތުގައި ހުންނަ ޖެލް، އެކި ކަންކަމަށް ފަރުވާ ހޯދުމަށް ބޭނުންކުރެއެވް.

ބޭނުންވާނެ ތަކެތި:

1 ސސ އެލޯވެރާ

ރިނދޫ (އިނގިލި ކުރިން ހިފޭވަރުގެ އެތިކޮޅެއް)

1 ސސ މާމުއި

1 ސސ ކިރު

ތައްޔާރުކުރާނެ ގޮތް:

ކުޑަ ބޯތައްޓެއްގައި ހުރިހާ ސާމާނު ރަނގަޅަށް އެއްކޮށްލުމައްފަހު މޫނުގައި މަޑުމަޑުން ހާކާލާށެވެ.

20 މިނެޓް ވަންދެން މަޑުކޮށްލެއްވުމަށްފަހު ތާފަނާ ފެންފޮދަކުން މޫނު ދޮވެލުމަށްފަހު މަޑު ފޮތިކޮޅަކުން ނުވަތަ ތުވާލިކޮޅަކުން މޫނު ހިއްކާލުމުން ރަނގަޅުވާނެއެވެ.

މި މާސްކް ހަފްތާއަކު 3، ނުވަތަ 4 ފަހަރު ބޭނުން ކުރުމުން ނަތީޖާ ރަނގަޅުވާނެއެވެ.

ލުނބޯ

ލުނބޯގައި ހިމެނޭ ވިޓަމިން ސީގެ ސަބަބުން ހަންގަނޑު ކުރަކި ވެފައި ހުންނަ ހުރުމުން ދުރުކޮށްދީ ގިނަ ދުވަހަށް ހަންގަނޑު ތާޒާކަން މަތީ ދަމަހައްޓައިދެއެވެ ލުނބޯއަކީ އެންޓިމައިކްރޯބިއަލް އަދި އެސިޑިކް ޕްރޮޕަޓީތައް އެކުލެވޭ އެއްޗެއްކަމުން، މޫނުގައި ނަގާ ބިހިތައް ފިލުވާލަންވެސް ވަރަށް ފަސޭހަވެއެވެ.

ބޭނުންވާނެ ތަކެތި:

2 ސސ ލުނބޯ ޖޫސް

2 ސސ ހަކުރު

ތައްޔާރުކުރާނެ ގޮތް:

ކުޑަ ބޯތައްޓެއްގައި ހުރިހާ ސާމާނު ރަނގަޅަށް އެއްކޮށްލުމައްފަހު މޫނުގައި މަޑުމަޑުން ހާކާލާށެވެ.

10 މިނެޓް ވަންދެން މަޑުކޮށްލެއްވުމަށްފަހު ތާފަނާ ފެންފޮދަކުން މޫނު ދޮވެލުމަށްފަހު މަޑު ފޮތިކޮޅަކުން ނުވަތަ ތުވާލިކޮޅަކުން މޫނު ހިއްކާލުމުން ރަނގަޅުވާނެއެވެ.

މީގައި ބޭނުންކުރާ ހަކުރުގެ ސަބަބުން މޫނުގައި ހުންނަ ޑެޑް ސްކިންތައް ނެތިދާނެއެވް.

ކިއުކަންބާ

ކިއުކަންބާރއަކީ މީހާ ޒުވާން ކަން މަތީގައި ބަހައްޓައިދޭ އެއްޗެކެވެ.  މިގޮތުން ކިއުކަންބާރ ބޭނުން ކޮށްގެން ތައްޔާރުކުރާ މާސްކަކީ ވިޓަމިން ސީ އާއި ފޮލިކް އެސިޑް އިން ފުރިފައިވާ އެއްޗެކެވެ. މިއީ ހަންގަނޑުގެ ރޫތައް ނައްތާލައިދީ، މީހާ ޒުވާން ކަން މަތީގައި ދަމަހައްޓައިދޭ އެއްޗެއްވެސް މެއެވެ.

ބޭނުންވާނެ ތަކެތި:

2 މސ ކިއުކަމްބާ ޖޫސް

1 މސ އޮލިލް އޮއިލް

 ތައްޔާރުކުރާނެ ގޮތް:

ކުޑަ ބޯތައްޓެއްގައި ކިއުކަންބާ އަދި އޮލިލް އޮއިލްކޮޅު އެއްކޮށްލުމައްފަހު މޫނުގައި އުންގުޅާލާށެވެ.

ރޭގަނޑު މިމާސްކު މޫނުގައި އެޅުމަށްފަހު، ހެނދުނު މާސްކު ދޮންނަން ޖެހެނީ ފިނި ފެނުންނެވެ.