އިންސާނުންނަށް ކުރިމަތިވާ ބައެއް ކަންތައްތަކުގެ ތެރޭގައި ހީކެރުވުވަމީ ވަރަށް އާންމުކަމެއް. ހީކެރުވުމާއި އެކު އަތާއި ފައިގައި ހުންނަ އިސްތަށިތައް ކޮޅަށް ޖެހޭ. ބައެއްމީހުން އެމީހުންގެ ދަތްދޮޅި ތެޅޭ. އަދި މުޅި ހަށިގަނޑުވެސް ތެޅޭ ނުވަތަ ތުރުތުރު އަޅާ މީހުން ހުރޭ. ހީކެރުވުމަކީ ކިހިނެތްވެގެން ދިމާވާ ކަމެއްތޯ؟ މިސުވާލުވެ ޖަވާބުގައި ގިނަ މީހުން ބުނާނީ އެއީ މާހައުލުގެ ފިނިކަމުން ކަމަށް. ނަމަވެސް މާހައުލު ފިނިވުމަކާއި ނުލާވެސް ހީކަރުވާ ހާލަތްތައް އާދޭ. އެގޮތުން ހުން އައިސްފައި ހުންނަ މީހާ ހީކަރުވަނީ ކޮންމެހެން މާހައުލު ފިނިވެގެންނެއް ނޫން. ހީކަރުވަނީ އިންސާނާގެ ހަށިގަނޑުގެ އެތެރޭގެ ފިނިހޫނު މިނަށްވުރެ މާހައުލުގެ ފިނިހޫނުމިން ދަށް ވުމުން. މިއީ ކޮންމެ އިންސާނަކަށް ވަކި ހާއްސަ މިންގަނޑަކަށް ހުންނަ ކަމެއް. ހުން އައިސްފައި ހުންނަ މީހާގެ ހަށިގަނޑުގެ ހޫނުމިން މާހައުލުގެ ހޫނުމިނަަށް ވުރެ މަތިވޭ. އެހެންކަމުން އާންމު މާހައުލެއްވެސް އެ މީހެއްގެ ހަށިގަނޑަށް ވާނީ ފިހި މާހައުލަކަށް. އެއީ ކޮންމެހެން މާހައުލު ފިނިވުމެއް ނޫން. ފިނީގެ ސަބަބުން ހީކަރުވަނީ ހަގީގަތުގައި މާހައުލު ފިނިވުމުން. އެހާލަތުގައި ހަށިގަނޑުގައި ހުންނާނީ އާދައިގެ ފިނިހޫނުމިނެއް. ނަމަވެސް މާހައުލުގެ ފިނިކަން އިތުރުވޭ. އެހެންކަމުން ހީކެރުވުމަކީ ހަމަ އެކަނި މާހައުލުގެ ފިނިހޫނުމިނަށް ބަރޯސާވާކަމެއް ނޫން. ހަށިގަނޑުގެ ފިނިހޫނުމިނަކީވެސް ހީކެރުވުމުގައި ވަރަށްބޮޑު ދައުރެއް އަދާކުރާ ކަމެއް.
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން