ގައުމަށާ ދީނަށްޓަކައި، ކާކުހޭ ގުރުބާން ވަނީ
މައުދަނާއި ރިކާޒުގައި، ކޮންބައެއްހޭ އޮޅުލަނީ
ލޯބި ގައުމީ ހިތުތެރޭ، ކާކުހޭ ފޮރުވާ އޮތީ
ލޯބިވާ ހަމައެކަކުވެސް، ނެތްތަނޭ އަދު ފެންނަނީ
ދީނަށާ ގައުމަށްޓަކައި، އެއްކަމެއްވެސް ކޮށްނުދީ
ބީނައެއް ކަމުގައި ވެދާ، މަންޒަރޭ ހަމަ ފެންނަނީ
ހައްގު ދީނުގެދެން ކޮބާ، ހައްގު ގައުމުގެވެސް ކޮބާ
ހައްގު ނަމުގާ ހޯދަނީ، ފައިދާ އަމިއްލައެ ހޯދަނީ
ދެއްކެއޭ އެތަކެއް ބައެއް، ލޯބިވާ ބަޔަކަަށް ވެގެން
ދެއްކެވީ ހުސް ދަޅަތަކޭ، ލޯމަތިން އޮޅުވާ ލަނީ
އިހުޒަމާނުގަ އުޅުނުހާ، ބަޔަކު ދައްކާ ހިތްވަރާ
އިހު އެވޭލާ އުޅުމުގައި، ޖޯޝު ގައުމީ ފުރި ދަނީ
އަދު ކިޔާ މާ ބާރުލާ، ދީނަށާ ގައުމަށް ޓަކައި
އަޑުކިޔަސް ހިތުގާ މިއަދު، ޖޯޝު ހިތުގައި ނެތި ދަނީ
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން