މުދާ އެއްކޮށް މިތާ އުޅުނަސް، އަޅާ ގުދަނެއް ފުރާލިއަކަސް

     މުދާވެރިއެއް ކަމުގަ ވިޔަކަސް، މަރުވެ ފަސްގަނޑު ދަށަށް ލެވެއޭ

މަރުގެ ސާއަތު އައިސް ޖެހުމުން، ނުދާން އޭނާ ދެކޮޅު ހަދައޭ

     މަރުގެ ސަކަރާތުގާ އޭނާ، އެތައް ޝަކުވާތަކެއް ކުރެއޭ

މުދާ އޮތަކަސް މިތާ އޭނާ، ވަނީ އެތަކެއް ދަރަނި ބޮލުގާ

     ނުދާން ދައްކާ މިއީ ބަހަނާ، ވަގުތު އިތުރަށް ދިނުން އެދެއޭ

އަތުގަ ހުއްޓަސް އެހާ ފައިސާ، ނުދާކަން ހައްޖު ވާން އޭނާ

     އަތުގަ ހިފުމުން ހަނދާންވެ ދެއޭ، އަލުން ފުރުސަތު ދިނުން އެދެއޭ

ނަގާ އުސްކޮށް ގެދޮރު ރާނަން، ފަށާފައިހުރި އެ ގޭ ގަނޑުވެސް

     ނަގާލާކަން ނުއެއް ރުހެއޭ، ވަގުތު އިތުރަށް ދިނުން އެދެއޭ

ފަށަން ބާއްވާފަ އޮތް ދޯންޏާ، މުދާ އުފުލާ ދަގަނޑު ބޯޓާ

     ހަށަން ބަމުނުގެ ކުރިން ދެކިލަން، ފަހުން އައުމަށް ނިކަން ބުނެއޭ

ޒުވާން އިރުގާ ހަދާފައި ހުރި، އެތަށް ގޯހެއް ހަނދާންވީމާ 

     ޒުވާބު ނުކޮށް މައާފު އެދެން، އިތުރު މުހުލަތުން ދިނުން އެދެއޭ

މުދާ ވެރިއެއް ކަމަކު އޭނާ، ލަނީ ސަންދޯކުގާ ފަސްލާ

     މުދާތައް ދޫ ކުރަން ޖެހުނީ، މަރުގެ ހަބަރާ އެކީ އޭނާ