އިންސާނާގެ އުފެދުމުގައި ގާތްގަނޑަކަށް 206 ކަށި ކޮޅު އެކުލެވޭ. މި އަދަދާއި މެދު ކުދި ހިޔާލުތަފާތުވުންތަކެއް ހުއްޓަސް މިއީ ގާތްގަނޑަކަށް ލަފާކުރާ އެވްރެޖު އަދަދެއް. އިންސާނާގެ ހަށިގަނޑުގައި މިހާ ގިނަ އަދަދަކަށް ކަށި އެކުލެވިގެންވާއިރު، އެންމެ ކުޑަ ކަށިކޮޅު އިންނަނީ ހަށިގަނޑުގެ ކޮންތާކު؟ ނުވަތަ ކޮން ގުނަވަނެއްގައި؟ މި ސުވާލަށް އެކި މީހުން އެކި ޖަވާބުދީފާނެ. އެހެނީ ކުދި ކުދި ކަށިތަކަކީ ހަށިގަނޑުގެ އެކި ހިސާބުތަކުގައި އެކި ތަރުތީބުން އެތުރިފައިވާ އެއްޗެއް. އެހެންކަމުން އެންމެ ކުޑަކަށިކޮޅު ނުވަތަ ކަށިކޮޅުތައް ހުންނާނީ އެވެނި މިނެވި ތަނެއްގައޭ، އޭގެ އިލްމާއި ނުލާ ބުނަން ވަރަށް އުނދަގޫ ވާނެ. އިންސާނާގެ ހަށިގަނޑުގައިވާ އެންމެ ކުޑަ ކަށިކޮޅުތައް ވަނީ އިންސާނާގެ ކަންފަތުގައި. ކަންފަތުގެ މެދު ގައި. އެއީ ޖުމުލަ ތިން ކަށިކޮޅު. އެއީ ކަންފަތުގެ ތޫރީގެ އެތެރޭގައި. ތޫރިއާއި ގުޅިފައި މިތަނުން އެއްކަށިކޮޅު ވާނެ. އެއީ މެއްލަސް ނަމަކަށް ކިޔާ ކަށިކޮޅެއް. އެކަށިކޮޅާއި ގުޅިގެން އިންކަސް ނަމަކަށް ކިޔާ ކަށިކޮޅެއްވޭ. އިންކަސް އާއި ޖެހިގެން ދެން އިންނާނީ ސްޓެޕެސް ނަމަކަށް ކިޔާ ކަށިކޮޅެއް. މި ތިން ކަށިކޮޅަކީވެސް ގާތްގަނޑަކަށް އެއްވަރެއްގެ ތިން ކަށިކޮޅު. މި ކަށިތަކުގެ ދިގު މިނަކީ 2 އަކާއި 7 މިލިމީޓަރާއި ދެމެދުގެ އަދަދެއް. އެންމެ ކުޑަ މި ތިން ކަށިކޮޅަކީ އެންމެ ބޮޑު ހިއްސުތަކުން ކުރެ އެއް ހިއްސުކަމަަށްވާ އަޑުއެހުމުގެ ހިއްސުގައި ވަރަށް މުހިންމު ދައުރެއް އަދާކުރާ ތިން ކަށިކޮޅު. މިއިން އެންމެ ކަށިކޮޅެއްގައިވެސް އުނިކަމެއް ވާނަމަ އިންސާނާއަަށް ފުރިހަމައަށް އަޑު އިވުމާއި އަޑުއެހުމުގެ ގާބިލުކަމެއް ނުލިބޭނެ.