އެސްޓީއޯގެ 57 ވަނަ އަހަރީ ދުވަހާ ގުޅިގެން ވަރަށް ޚާއްޞަ ސޭލެއް ކުރިއަށް ގެންދިޔުމަށް އެ ކުންފުނިން ނިންމައިފިއެވެ. އެސްޓީއޯގެ އަހަރީ ދުވަހަކީ މި މަހުގެ 20 ވަނަ ދުވަހެވެ.

އެސްޓީއޯގެ ސޭލްސް އެސޯސިއޭޓް އާއިޝަތު ނަޒާހަތު ވިދާޅުވީ، އެ ދުވަހު އެސްޓީއޯގެ ހުރިހާ އައުޓްލެޓެއްގައި މި ސޭލް ކުރިއަށް ދާނެ ކަމަށެވެ. އެގޮތުން އެސްޓީއޯ ހޯމް އިމްޕްރޫވްމަންޓާއި، އެސްޓީއޯ ސުޕަރމާޓާއި، ހުރިހާ ރީޖަނަލް ފިހާރަތަކެއްގައި މި ސޭލް ކުރިއަށް ދާނެއެވެ. މި ސޭލްގައި އެސްޓީއޯ ހޯމް އިމްޕްރޫވަމަންޓުން %15 އާ ހަމައަށް ޑިސްކައުންޓް ލިބޭނެއެވެ. އަދި މީގެ އިތުރުން ރީޖަނަލް ފިހާރަތަކުން %10 އާ ހަމައަށް، ސުޕަރމާޓުން %5 އާ ހަމައަށް ޑިސްކައުންޓު ލިބޭނެއެވެ.

ނަޒާހަތު އިތުރަށް ވިދާޅުވީ އެދުވަހު އެސްޓީއޯ ސުޕަރމާޓުގެ 57 ވަނަ ކަސްޓަމަރުގެ ބިލް މުޅިން ހިލޭ ވާނެ ކަމަށެވެ. އަދި ހޯމް އިމްޕްރޫވްމަންޓުން ވިޔަފާރިކުރާ ކޮންމެ 57 ވަނަ ކަސްޓަމަރަކަށް ހަދިޔާއެއް ލިބޭނެ ކަމަށެވެ. މުޅި ޕްރޮމޯޝަން ނިމުމުން ގުރުއަތުން ހޮވޭ ކޮންމެ ވެސް 1 ފަރާތަކަށް ވެސް ވަރަށް ޚާއްޞަ އިނާމެއް ލިބިގެންދާނެއެވެ. އަދި 20 ވަނަ ދުވަހު އެސްޓީއޯގެ ފިހާރަތަކަށް ޒިޔާރަތްކުރާ އެންމެންނަށް ވެސް ހަދިޔާ ލިބޭނެއެވެ.