ދުނިޔޭގައި އުޅޭ ދޫނިސޫފާސޫފީގެ ތެރެއިން ކޮތަރަކީ ވަރަށް އާންމު ދޫންޏެއް. އަދި ކޮތަރަކީ ވަރަށް މާތްވެސް ދޫންޏެއް. ކޮތަރާއި ބެހޭގޮތުން ބައެއް މައުލޫމާތު މި ލިޔުމުގައި ހިއްސާކޮށްލާނަން. ކޮތަރަކީ ވަރަށް ގިނަ ތަންތަނަށް ބޮޑުކަމުދާ ދޫންޏެއްކަމަށް ފާހަގަ ކުރެވިފައިވޭ. ނަވެސް ސައިންސުވެރިން ބުނާގޮތުގައި ކޮތަރަށްވުރެ ސާފުތާހިރު ދޫންޏެއް ނޫޅޭ. އެހެނީ ކޮތަރުގެ ޒަރިއްޔާއިން ޖެހޭ ހާއްސަ ބައްޔެއް މިވީހާތަނަށް ހޯދިފައި ނުވުން. އަދި ދޫނި ރޯގާވެސް ކޮތަރުގެ ޒަރިއްޔާއިން ޖެހުމުގެ ފުރުސަތަކީ ވަރަށް ހަނި ފުރުސަތަކަށްވުން. 

ކޮތަރަކީ އެސޮރުމެންގެ ހަށިގަނޑުގެ އެތެރޭގައި "ސަމުގާއެއް" އިންނަ ދޫންޏެކޭ ބުނެވޭ. މިހެން ބުނެވެނީ އެސޮރުމެންނަކީ ދަތުރުތަކުގައި އޭގެ މިސްރާބު ހެޔޮ ދޫންޏަކަށް ވާތީ. ކިތަންމެ ދުރު ދަތުރުތަކަށްވެސް ގޮސް އައިސްވެ އުޅޭތީ. އިރުގެ އަތްވާއި ދުނިޔޭގެ ބިންމަތީގައިވާ ތަންތަން އެސޮރުމެން ފާހަގަ ކުރޭ. އަދި ދަތުރުތަކުގައި މި ކަންކަމަށް ސަމާލުކަންދީ ދަތުރުކުރުމުގެ ގާބިލުކަން ކޮތަރަށް ލިބިގެންވޭ އެއާއި އެކު އެސޮރު މަގު އޮޅި ގެއްލުމަކީ ވަރަށް ނާދިރުކަމެއް. ކޮތަރުގެ އެވްރެޖު ދުވެލީގެ ގޮތުގައި ފާހަގަ ވެފައިވަނީ ގަޑިއަކު 77.6 މޭލު ބާރުމިން. އިންސާނުންނާއި ގައިގޯޅިކޮށް އުޅެމުންދާ ކޮތަރަކީ އޭގެ ކަންފަތް އިންސާނުންނަށް ވުރެ ތޫނު ދޫންޏެއް. އެގޮތުން ދުރުން އިވޭ ބާރު އަޑުއަޑު (އިންސާނުންނަށް ނީވޭ އަޑުއަޑު) ކޮތަރަށް އިވޭ.