އިންސާނާގެ ހަށިގަނޑުގައިވާ ބައިތަކުގެ ތެރެއިން އިންސާނާގެ ބޮލުގެ އިސްތަށިގަނޑަކީ އެއާމެދު ވަރަަށްގިނަ މީހުން ސަމާލުކަންދޭ ބައެއް. އިސްތައްޓަކީ ހަށިގަނޑުގައިވާ ބައިތަކުގެ ތެރެއިން ދެވަނައަށް އެންމެ އަވަހަށް ހެދޭ، ނުވަތަ ބޮޑުވާ ގުނަވަން. އިސްތަށި ވަޅުން، އިސްތައްޓެއް ވަކިކޮށްލުމަށްފަހު، ދެން ހިނގާ މަދު ވަގުތުކޮޅުގެ ތެރޭގައި އެވަޅުން އަނެއް އިސްތަށިފެޅުމުގެ ހަރަކާތް ފެށިގެންދޭ.
ހަށިގަނޑުގައި އިސްތަށި ހުންނަނީ ހަމަ އެކަނި ބޮލަކު ނޫން. އެހެނަސް ކޮންމެ ތަނެއްގައިވީނަމަވެސް އިސްތަށިތަކާއި ބެހޭ އަޖައިބު ކުރަނިވި އެހެން ވާހަކައެއްވެސް އަދި އެބަ އޮތް. އިސްތައްޓަކީ އޭގެ ތެރެއަށް ފެން ދަމާ އެއްޗެއް. އެއާއި އެކު އިސްތަށި ފެނުން ފޯވާނެ. އިސަތަށީގައި ފެން ޖެހުމުން އިސްތަށި ދިގުވާކަން ދެނަހުރީމުތަ؟
އާދެ! އިސްތައްޓަކީ އޭގައި ފެންޖެހުމުން ދިގުވާ އެއްޗެއް. މިހެން ވަނީ އިސްވެ ދެންނެވުނުފަދައިން އޭގެ ތެރެއަށް ފެން ދަމާތީ ނުވަތަ ވަންނާތީ. ދުޅަހެޔޮ އިސްތަށިގަނޑެއްގައި ފެން ޖެހި ފެނުން ރަނގަޅަށް ފޯވުމުން، އެ އިސްތަށިގަނޑެއްގެ %30 ދިގުވާނެ ކަމަކަށް ދިރާސާވެރިން ފާހަގަ ކުރޭ. މިހެން ތެމުމުން އިސްތަށިގަނޑު ދިގުވުމުގައި އިސްތަށިގަނޑުގެ ދުޅަހެޔޮކަން ވަރަށްބޮޑު ދައުރެއް އަދާކުރޭ. ދުޅަހެޔޮ އިސްތަށީގެ "ޑެންސިޓީ" ދަށްވުމާއި އެކު ލުއިވެސް ވާނެ. އަދި އޭގެ ތެރެއަށް ފެން ވަންނަ މިންވަރު އިތުރުވެސް ވާނެ. އިސްތައްޓަކީ ފެން ޖެހުމުން ދިގުވާ އެއްޗެއް!
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން