ތަފާތު އެކި ގޮތްގޮތަށް އިންސާނުން މަރުވާކަން އަބަދުވެސް އަހަރެމެންނަށް އެނގެއެވެ. ހެޔޮ ނިމުމުންނާއި ނުބައި ނިމުންތަކުން ނިމޭ މީހުންނެވެ. މިއީވެސް އެފަދަ ހަބަރެކެވެ. މިއީ ހެޔޮ ނިމުމަކުން ނިމުން ދެއްވި ފިރިހެނެކެވެ. ޖޯޑަންއަށް ނިސްބަތްވާ އުމުރުން ދުވަސްވީ ފިރިހެނަކު މިސްކިތުގައި ނަމާދުގެ ސަޖިދައިގައި އޮއްވާ މި ވަނީ ނިޔާވެފައެވެ.
މީޑިއާ ރިޕޯޓުތައް ބުނާ ގޮތުން، އޭނާ ނިޔާވެފައި ވަނީ ޖޯޑަންގެ ވެރިކަން ކުރާ ސިޓީގައި ހުންނަ އަލް ހަޖް އައްވަޑް އަލް ނުއައިމަތް މިސްކިތުގައި ފަތިސް ނަމާދު ކުރަން ހުއްޓައެވެ. އެއީ ޖޯޑަންގެ ގާނޫނީ ވަކީލެއް ކަމަށްވާ ތާރިކް އަލް ރަޝްކް ނަމަކަށް ކިޔާ މީހެކެވެ.
މީސް މީޑިއާގައި އާއްމުވެފައިވާ ވީޑިއޯއަކުން ވަނީ އޭނާގެ އެންމެ ފަހު ވަގުތުކޮޅުގެ މަންޒަރު ގިނަބަޔަކަށް ފެނިފައެވެ. އެ ވީޑިއޯއިން ފެނިގެން ދަނީ އޭނާ އެކަނި ނަމާދު ކުރަން ހުއްޓާ ސަޖިދައިގައި އޮއްވާ އޭނާ ނިޔާވެގެން ވެއްޓޭ މަންޒަރެވެ.
އެ ވީޑިއޯ ގިނަ ބަޔަކު ޝެއާކޮށް ކޮމެންޓުކޮށްފައި ހުއްޓެވެ. އެންމެންވެސް އެދެމުން ދަނީ އެ މައްޔިތާއަށް ސުވަރުގޭގެ ނިއުމަތް ދެއްވުމަށެވެ.
ސަޖިދާގައި އިންސާނާގެ ފުރާނަ ހިއްޕެވުމަކީ އެއީ ހެޔޮ ނިމުމެކެވެ. އެހެނީ އެއީ މާތް ﷲ އާއި އިންސާނާ އެންމެ ކުއްތަން ވެވޭ ވަގުތެވެ.