ބޮލީވުޑްގެ ގިނަ ފިލްމުތަކަކީ ދުނިޔޭގައިވެސް މަޝްހޫރު ފިލްމުތަކެއް. ހާއްސަކޮށް ދިވެހިންގެ ތެރޭގައިވެސް ބޮލީވުޑްގެ ފިލްމުތަކާ ސިލްސިލާ ޑްރާމާތަކަކީ މަގުބޫލު އެއްޗެހި. އިންޑިޔާގެ އެކި އެކި ޓީވީ ޗެނަލްތަކުން ދައްކާ "ކަސޯޓީ" ތަކަކީވެސް ގިނަބަޔަކު ބަލާ އެއްޗެހި. ހަމަ އެއާއި އެކު ޓަމިލް އަދި ޓެލުގޫ ފިލްމުތަކާ ޑްރާމާތައް ބަލާ މީހުންވެސް ވަރަށްގިނަ. 

އިންޑިޔާގެ ފިލްމު އިންޑަސްޓްރީގައި އުފައްދާ ފިލްމުތަކަށް އެގައުމުގެ ސަރުކާރުން ހުއްދައެއް ނުވަފަ ސެޓްފިކެޓެއް ދޭނެ. ކޮންމެ ފިލްމެއް ފެށުމުގެ ކުރިން މި ސެޓްފިކެޓު ފެންނާނެ. މި ސެޓްފިކެޓުގައި އެކި ފިލްމުތަކަށް އެކި "އަކުރު" ދީފާ ހުރޭ. މިއިން ކޮންމެ އަކުރަކީ ކެޓަގަރީއެއް.

އެގޮތުން މި ސެޓްފިކެޓުގައި "ޔޫ" އަކުރު ހުންނަ ނުވަތަ "ޔޫ" ކެޓަގަރީގެ ފިލްމުތަކަކީ ހުރިހާ އުމުރެއްގެ މީހުންނަށްވެސް ބެލޭނޭ ގޮތަށް ހުންނަ ފިލްމު. "ޔޫއޭ" ކެޓަގަރީގެ ފިލްމުތަކަކީ 12 އަހަރުން ދަށުގެ ކުދިން، ބެލެނިވެރިއަކާއި އެކު ބެލުން ރަނގަޅު ފިލްމުތައް. ހަމަ އެކަނި "އޭ" ނުވަތަ "އޭ" ކެޓަގަރީގެ ފިލްމުތަކަކީ 18 އަހަރުން މަތީގެ މީހުންނަށް ހާއްސަ ފިލްމުތައް. އަދި "އެސް" ކެޓަގަރީގެ ފިލްމުތަކަކީ ޑަކްޓަރުން އަދި ސައިންސުވެރިން އެކަނި ބެލުމަށް ހާއްސަ ކުރެވިފައިވާ ފިލްމުތައް.

ފިލްމުތައް ބެލުމުގެ ކުރިން، ފެންނަ މި ސެޓުފިކެޓުތަކަކީ ހަގީގަތުގައި މި މެސެޖުތައް ބުނެދޭ މުހިންމު އެއްޗެއް.