އިންޑޮނޭޝިއާގެ ފިރިހެނެއްގެ މަސާނާ (ބްލަޑަރ) އިން ނައިލޯނުފަށެއް ނަގައިފިއެވެ. އުމުރުން 37 އަހަރުގެ މި މީހާ އިންޑޮނޭޝިއާގެ ވެރިރަށް ޖާވާގެ އިރުމަތީ ސުރަބަޔާގެ ހޮސްޕިޓަލަށް ޑަކްޓަރަށް ދައްކަން ދިޔައީ ދަށްބަނޑުގައި ރިހި އުނދަގޫތަކެއް ވާން ފެށުމުންނެވެ.
ޑަކްޓަރުގެ ޓީމުން ވަނީ އޭނާގެ ލޭގެ ޓެސްޓުތަކަކާއި ސްކޭންތަކެއް ހަދާފައެވެ. އެގޮތުން އޭނާގެ ކުޑަކުދާ ހޮޅިން ކެމެރާ ލައްވައިގެން މަސާނާ ބެލި ބެލުމުން މަސާނާގައި އޮޅިފައިވާ ދިގު އެއްޗެއް އޮއްވާ ވަނީ ފެނިފައެވެ. އެއާއި އެކު "ބްލެޑަރ އިރިގޭޝަން" ނަމަކަށް ކިޔާ ޕްރޮސީޖަރ އެއް ހެދިއެވެ. އެއީ ޒާތަކަށް މަސާނާ ދޮންނަ ދޮވުމެކެވެ. ނަމަވެސް މި ޕްރޮސީޖަރ އިން އެ ނައިލޯނުފަށް ނެގޭ ގޮތެއް ނުވިއެވެ. އެއާއި އެކު އިތުރު އާލާތްތައް ބޭނުންކޮށްގެން އެ ނައިލޯނުފަށް ވަނީ ނަގާފައެވެ.
ރިޕޯޓުރައް ބުނާ ގޮތުގައި މި ނައިލޯނު ފަށުގައި ދެ މީޓަރު ހުއްޓެވެ. ނަމަވެސް އެ މީހާގެ މަސާނާގެ ތެރެއަށް ނައިލޯނުފަށެއް ވަންނަން ޖެހޭ ސަބަބެސް އަދި ސާފުވެފައެއް ނުވެއެވެ. އެކަމާއި ގުޅިގެން އެ މީހާ އެއްޗެއް ނުބުނާއިރު، އެ ހޮސްޕިޓަލުން ވަނީ ނަފްސާނީ ބަލިތަކަށް ފަރުވާ ކުރާ ޑަކްޓަރުންގެ ޓީމެއް ވެސް އޭނާގެ ގާތަށް ގޮސްފައެވެ.
ިއިންސާނެއްގެ ކުޑަކަމުދާ ހޮޅިއަށް އެއްޗެއް ލެއްވުމަކީ ހޮސްޕިޓަލުތަކުގައި ޑަކްޓަރުން ކުރާ ހާއްސަ ކަންކެމެވެ. ނަމަވެސް މިފަދަ އެއްވެސް ކަމެއްގައި ނައިލޯނު ބޭނުން ނުކުރާނެކަން ޑަކްޓަރުންގެ ޓީމުންވަނީ ބުނެފައެވެ. އެހެންކަމުން އެމީހާގެ މަސާނާގައި އެ އޮތް ނައިލޯނު ފަށުގެ އަސްލަކީ ކޮބައިކަން ސާފުކޮށް ބުންނަން ނޭނގެއެވެ. ނަމަވެސް އެމީހާ ބުނެދީ ކިޔައިދީފިނަމަ އެކަން ހާމަވާނެއެވެ. ޑަކްޓަރުން ބުނާގޮތުގައި އެމީހާ އެވާހަކަތަށް ކިޔައިނުދެނީއެވެ. ނުވަތަ ކިޔައިދޭން ޖެހިލުންވަނީ އެވެ.