އެޕަލްގެ އުފެއްދުންތަކަށް އިންތިރާރުކުރާ މީހުންނަށް މިއަދަކީ އުފާވެރި ދުވަހެކެވެ. މިއަދަކީ އެޕަލްގެ އެންމެ ފަހުގެ އުފެއްދުންތަށް ބާޒާރަށް ނެރޭނެ ކަމަށް އިޢުލާންކުރި ދުވަހެވެ. ނަމަވެސް މިއަދު އެޕަލްއިން ބާއްވާ ޙަފްލާގައި އައިފޯން 12 ދައްކާނުލާފާނެ ކަމަށް ފެތުރިފައިވާ އަޑުތަކުގެ ސަބަބުން ގިނަބަޔަކު ވަނީ މާޔޫސްވެފައެވެ.

މިއަދު ބޭއްވޭ ހަފްލާގައި އައިޕެޑް، އަދި އެޕަލް ވޮޗްގެ އިތުރުން އެއަރޕޮޑް، ހޯމްޕޮޑް އަދި ނެކްސްޓް ޖެނެރޭޝަން އެޕަލް ޓީވީ އެއް ދައްކާލާނެ ކަމަށް ވަނީ ބެލެވިފައެވެ. އަދި ހަމަ މި ހަފްލާގައި އެޕަލްގެ އޯވަރ އިއަރ ހެޑްފޯން ފުރަތަމަ ފަހަރަށް ދައްކާލާނެ ކަމަށްވެސް ޚަބަރުތައް ލިބެއެވެ.

އެޕަލްގެ ފަރާތުން ކޮންމެ ސެޕްޓެމްބަރ މަހަކާ ދިމާކޮށް އައިފޯންގެ އާ މޮޑެލް އެއް ބާޒާރަށް ނެރެމުންދާތީ އާންމުން ތިބީ އެންމެ ކުޑަމިނުން އައިފޯން 12 ދެކެލުމުގެ އުންމީދުގައެވެ. ޖުލައި މަސް ތެރޭގައި އެޕަލް އިން ހާމަކުރި ގޮތުގައި އެހެން އަހަރު ތަކަށް ވުރެ މިއަހަރުގެ އައިފޯން އާންމުންނާއި ހަމައަށް އައުން "ހަފްތާ ކޮޅެއް" ލަސްވާނެއެވެ. ކޮންމެއަކަސް ގިނަބައެއްގެ އިންތިޒާރު ގުޅިފައިވާ މި ހަފްލާ ފެށޭނެ ކަމަށްވަނީ ރާއްޖެ ގަޑިން 10.30 ގައެވެ. މި ހަފްލާ ހިނގަމުންދާގޮތް ވަގުތުން ތީރުގެ ކިޔުންތެރިންނާއި ހަމައަށް ގެނެސް ދެވޭނެއެވެ.