އިންސާނުންނަކީ ވަރަށްވެސް މުންސަނދި ބައެކެވެ. ފަގީރު ކަމުގައި ކިތަންމެ ފަގީރުވިޔަސް ހަގީގަތަކީ އިންސާނާ އަކީ ވަރަށްވެސް މުއްސަނދި މީހެކެވެ. މިފަދަ ހަގީގީ މިސާލެއް މީސް މީޑިޔާގެ މަގުބޫލު އިސްލާމިކް ޕޭޖަކުން މި ވަނީ ހާމަކޮށްފައެވެ. އެހެންކަމުން މި ލިޔުމުގައި އެ ހާދިސާ ހިއްސާކޮށްލާނަމެވެ.

ޒުވާނަކު އޭނާ އާއި ބައްދަލުވާ ޣައިރު މުސްލިމުންގެ ބަޔަކާއި ސަމާސާކޮށް ވާހަކަ ދައްކަމުން ބުންޏެވެ. ތިމަންނާއީ ވަރަށްވެސް މުއްސަނދި މީހެކެވެ. ތިމަންނާ ކަލޭމެންނަށް 2 މިލިއަން ޑޮލަރު ދީފާނަމެވެ. ދެން އެ 2 މިލިއަން ޑޮލަރު ލިބުމާއި އެކު ކަލޭމެނަށް ވާނީ ކިހިނަކުން ތޯ އެ ޒުވާނާ ސުވާލު ކުރިއެވެ. އެއާއި އެކު އެ ޣައިރު މުސްލިމުންގެ މީހުން އެކަމަށް ޝުކުރުވެރިވާނޭ ކަމަށާއި އަދި އެ ފައިސާ ދިން މީހެއްގެ މަތިން ދުވަހަކުވެސް ހަނދާން ނުނެތޭނޭކަމަށް ބުންޏެވެ. ދެން އެއްކަލަ ޒުވާނާ އެމީހުން ކުރެން ބުނީ އެ 2 މިލިއަން ޑޮލަރު ދިނުމުގައި ޝަރުތެއް އެބަ އޮތް ކަމަށެވެ. ދެން އެ މީހުން އެއީ ކޮން ޝަރުތެއްތޯ އެހުމުން އެ ޒުވާނާ ބުނީ އެއީ އެމީހުންގެ ތެރެއިން ކޮންމެވެސް މީހެއްގެ ދެ ލޯ ދިނުމެވެ. އެއާއި އެކު އެމީހުން އެކަމަށް އިންކާރު ކުރިއެވެ. ދެން އެ ޒުވާނާ ބުނަނީ އެމީހުންގެ ތެރެއިން އެކެއްގެ ދެލޯ، 2 މިލިއަން ޑޮލަރަށްވުރެ އަގުބޮޑީތޯއެވެ؟ އެމީހުން އެކަމަށް އެއްބަސް ވިއެވެ. ދެން ޒުވާނާ ދިން ނަސޭހަތަކީ 2 މިލިއަން ޑޮލަރު ލިބުމުން ޝުކުރުވެރިވުމާއި އެކު ހަނދާން ކުރާނޭ ކަމަށް ކަލޭމެން ބުނީމެވެ. ދެން ކަލޭމެން ތިޔަ ބުނަނީ ކަލޭމެންގެ އެކެއްގެ ދެ ލޯ، 2 މިލިއަން ޑޮލަރަށްވުރެ އަގު ބޮޑު ކަމަށެވެ. ދެން ތިޔަ އަގުބޮޑު ދެލޯ އެއްވެސް އަގަކާއި ނުލާ ކަލޭމެންނަށް ދެއްވި އިލާހަށް ކަލޭމެން ޝުކުރުވެރި ނުވަނީ ކީއްވެ ތޯ ސުވާލު ކުރިއެވެ. އަދި އެ އިލާހުގެ މަތިން ހަނދާން ނުކުރަނީ ކީއްވެތޯ ސުވާލު ކުރިއެވެ.

ޒުވާނާ ދެން ފާހަގަ ކުރި ކަމަކީ އަހަރެމެން އިންސާނުންގެ މުއްސަނދި ކަމެވެ. އަދި އެކަމަށް އެ ޣައިރު މުސްލިމުންވެސް އެއްބަސްވިއެވެ. ދެން އެ ޒުވާނާ އެކަމަށް އިޝާރާތް ކުރައްވާ ޖެއްސެވީ ހަގީގީ ހާދިސާއަކުން މިސާލެކެވެ. އެއީ އެއް ދުވަހަކު ޢިލްމުވެރިއެއްގެ ގާތަށް އައި ފަގީރެއްގެ ވާހަކައެވެ. އޭނާ ޢިލްމުވެރިޔާގެ ގާތުގައި އޭނާގެ ފަގީރުކަމުގެ ވާހަކަ ބުންޏެވެ. އެއާއި އެކު ޢިލްމުވެރިޔާ ތިކަމާ ހާސްނުވާށޭ ބުންޏެވެ. އަދި 2 މިލިއަން ޑޮލަރު ދޭނެކަމަށާއި ތިބާގެ ދެ ލޯ ދިނުމަށް އެދުނެވެ. ދެން އެ ފަގީރު މީހާ އެކަމަށް އިންކާރު ކުރިއެވެ. އަނެއްކާ ޢިލްމުވެރިޔާ 5 މިލިއަން ޑޮލަރު ދޭނެ ކަމަށާއި އޭގެ ބަދަލުގައި ތިބާގެ އެއް ގުރުދާ (ކިޑްނީ) ދޭށޭ ބުންޏެވެ. މިކަމަށްވެސް އޭނާ އިންކާރު ކުރިއެވެ. އަނެއްކާވެސް ޢިލްމުވެރިޔާ 10 މިލިއަން ޑޮލަރު ދޭނޭ ކަމަށާއި އޭގެ ބަދަލުގައި ތިބާގެ ދެފައި ދިނުމަށް އެދުނެވެ. މިކަމަށްވެސް އޭނާ އިންކާރު ކުރިއެވެ. ދެން ޢިލްމުވެރިޔާ އޭނާއަށް އިޝާރާތް ކޮށް ބުންޏެވެ. 17 މިލިއަން ޑޮލަރަށްވުރެ ތިބާގެ އަގު އެތައް ގުނައަކުން ބޮޑެވެ. ތިބާގެ މުއްސަނދިކަންވެސް އެބަ ހުއްޓެވެ. އެ ފައިސާތައް ބޭނުން ނުވީ އެ މުއްސަނދިކަން ހުރީމައެވެ. ނަމަވެސް ތިބާއަށް އެކަން ނޭނގެނީއެވެ. ތިބާގެ މުއްސަނދިކަން ތިބާއަށް ނުފެންނަނީއެވެ. ހޯދަން ނޭނގެނީއެވެ. ތި މުއްސަނދިކަން ދެއްވި އިލާހަށް ޝުކުރުވެރިވާށެވެ. އިސާހިތަކު މާލީ ގޮތުން ތިބާ މުއްސަނދި ވެދާނެއެވެ.

އާދޭހެވެ! މި ވާހަކައިން އެނގިގެން މި ދަނީ އިންސާނާގެ މުއްސަނދިކަން ހަގީގަތުގައިވެސް ބޮޑުކަމެވެ. މިއަދުވެސް އިންސާނެއްގެ ގުނަވަން ބަދަލުކުރަން ޖެހިއްޖެ ނަމަ، ގުނަވަނެއް ހޯދަން ސަލާން ޖަހަން ޖެހެއެވެ. އެ ގުނަވަނެއްގެ އަގު ބޮޑުކަމުންނެވެ. އަދި ގުނަވަންތަކުގެ އަގު ބޮޑުކަމުންނާއިއެކު އިންސާނުން މަރާ ގުނަވަންތައް ވިއްކާ ނުބައި ނުލަފާ އިންސާނުންވެސް މި ދުނިޔޭގައި އުޅެމުން އެބަ ދެއެވެ. މިކަންކަމުން ދަލީލުވަނީ އިންސާނާގެ އަގު ހަގީގަތުގައި ބޮޑު ކަމެވެ. އިންސާނާގެ ތަނަވަސްކަން ބޮޑު ކަމެވެ. އިންސާނާގެ މުއްސަނދިކަމެވެ. ހިތާމައަކީ އަހަރެމެންނަށް އެކަން ނޭނގޭ ކަމެވެ.