މާލޭ ސަރަހައްދުގައި ފަސޭހައިން ޓެކްސީ ލިބޭނެ ގޮތް ހެދުމަށް މީގެ ތިން އަހަރު ކުރީން ތައާރަފްކުރި މޮބައިލް އެޕްލިކޭޝަން "އަވަސް ރައިޑް" އާއެކު މިހާރު ދަތުރުފަތުރުކުރުން މިވަނީ އިތުބާރާއެކު ފަސޭހަވެގެން ގޮސްފައެވެ.
ފުރަން ދިއުމަށް ޓެކްސީ ޔަގީންކަމާއެކު ހޯދުމުގެ އިތުރުން މާލެ، ހުޅުލެ އަދި ހުޅުމާލޭގައި ކުރާ ދަތުރުތަކުގައި އަވަސް ރައިޑް އެޕް އިން ހިދުމަތް ހޯދާ ފަރާތްތައް މިހާރު މަދެއް ނޫނެވެ.
އަވަސް ރައިޑް ފޯން އެޕް މެދުވެރިކޮށް ބޭނުން ދުވަހަކަށް، ބޭނުން ގަޑިއަކަށް ޓެކްސީ ނުވަތަ ބޭނުންވާ އުޅަނދެއް ބުކްކޮށްލެވޭނެ ފަސޭހަ ހިދުމަތް ލިބިގެންދެއެވެ.
އެގޮތުން، އަވަސް ރައިޑް އެޕް އާއެކު މިހާރު ފުރަން އެއަރޕޯޓަށް ދާން ޓެކްސީ ހޯދާކަށް އެއްވެސް އުނދަގުލެއް ނެތެވެ. މި އެޕްލިކޭޝަންގައި އެކުލެވިގެންވާ ފީޗާއަކާއެކު ދުރާލާ އުޅަނދެއް ޕްރީބުކްކުރެވޭނެ އެވެ.
އަދި އަވަސް ރައިޑް އެޕް މެދުވެރިކޮށް ކުރެވޭ ދަތުރުތަކަކީ ފޯނުން ޓްރެކްކުރެވޭ ދަތުރުތަކަށްވީހިނދު މިއިން އުޅަނދެއްގައި އެއްޗެއް ބޭއްވިގެން ހާސްވާކަށްވެސް ނުޖެހޭނެ އެވެ. އަވަސް ރައިޑަށް ފޯނުން ގުޅާލުމުން އޭގެ ވެރިފަރާތަށް އެ އެއްޗެއް އިތުބާރާއެކު ރައްދުކޮށްދޭނެ އެވެ.
މީގެއިތުރުން، ލިބޭ ހުސް ވަގުތުކޮޅުގައި އާމްދަނީ އިތުރުކޮށްލަން ބޭނުންވާ ފަރާތްތަކަށް ވެސް އަވަސް ރައިޑްގެ ރައިޑާ އަކަށް ވެގެން ސައިކަލް ޓެކްސީގެ ހިދުމަތްދޭން ފެށުމުގެ ފުރުޞަތު އެބައޮތެވެ.