އެސްޓީއޯ ޕީޕަލްސް ޗޮއިސްގައި އަމިއްލަ މުދާ ވިއްކަން ބޭނުންވާ ފަރާތްތަލަށް ރެކް އަދި ހަރުފަތް ކުއްޔަށްހިފުމުގެ ފުރުޞަތު ހުޅުވާލައިފިއެވެ.
މިއީ މިދިޔަ މާރިޗް މަހުގައި އެސްޓީއޯ ޕީޕަލްސް ޗޮއިސް އިމާރާތަށް ބޮޑެތި ބަދަލުތަކެއް ގެނެސް، ބޮޑު ހައިޕަ މާކެޓެއްގެ ގޮތުގައި އަލުން ހުޅުވިފަހުން ރެކް އަދި ހަރުފަތްތައް ކުއްޔަށްހިފުމުގެ ފުރުޞަތު ހުޅުވާލި ދެވަނަ ފަހަރެވެ.
އެސްޓީއޯ އިން ބުނީ ރެކް އަދި ރެކްގެ ހަރުފަތްތައް ކުއްޔަށްހިފަން ބޭނުންވާ ފަރާތްތަކުން އެ ކުންފުނީގެ ވެބްސައިޓް sto.mv އިން ރެކް ވެންޑަރފޯމް ޑައުންލޯޑްކޮށް ފުރިހަމަކުރުމަށްފަހު leasing@sto.mv މެދުވެރިކޮށް ހުށަހެޅުމުން ރަޖިސްޓްރީކުރެވޭނެ ކަމަށެވެ.
އަދި އެއަށްފަހު އެސްޓީއޯގެ ފަރާތުން ރެކް އަދި ރެކްގެ ހަރުފަތްތައް ކުއްޔަށްދިނުމާ ގުޅުންހުރި މަޢުލޫމާތުތައް އެ ފަރާތަކާ ހިއްސަކުރާނެ ކަމަށެވެ. ދެން އެއަށްފަހު ކުއްޔަށްދޫކުރާ ރެކުގެ އެއްބަސްވުމުގައި ސޮއި ކުރުމަށްފަހު ރެކުގައި މުދާ ޖެއްސުމާއެކު ވިޔަފާރި ފެށުމުގެ ފުރުޞަތު ލިބިގެންދާނެ ކަމަށެވެ.
ރެކް އަދި ހަރުފަތްތައް ކުއްޔަށްހިފުމާއި ގުޅޭ ގޮތުން އިތުރު މަޢުލޫމާތު ހޯދުމަށް 1422 އަށް ގުޅުއްވުމުން ލިބޭނެ ކަމަށް އެސްޓީއޯ އިން ބުނެ އެވެ.