ހުކުރު ދުވަހަކީ މުސްލިމުންނަަށް އަންނަ ވަރަށް ހާއްސަ ދުވަހެއް. ހުކުރު ދުވަސް ހާއްސަވާ ސަބަބުތައް ދެނަހުރީމުތަ؟

ހުކުރު ދުވަހަކީ އޭގެ ޒާތުގައި ބަރަކާތް ލެއްވިގެންވާ ދުވަހެއް. ކީރިތި ޤުރުއާނުގައި ބަޔާންވެގެންވާ ހަފްތާގެ ދެ ދުވަހުގެ ނަމުގެ ތެރޭގައި ހުކުރު ދުވަހުގެ ނަން އައިސްފައިވޭ. އަދި ސޫރަތުލް ޖުމްޢަ، ގެ ނަމުގައި ކީރިތި ޤުރުއާނުގައި ސޫރަތެއް އައިސްފައިވޭ. އަދި ކީރިތި ޤުުރުއާނުގައި މާތް ﷲ ވަނީ ހުކުރު ދުވަސް ގަންދެއްވާ ވަޙީ ކުރައްވާފަ.

ހުކުރު ދުވަސް ވަނީ ވަރަށް ބޮޑަށް، އެންމެ ފުރަތަމަ އިންސާނާ ކަމުގައިވި އާދަމްގެފާނާއި ގުޅިފަ. އެގޮތުން އާދަމްގެފާނުން ހެއްދެވީ ހުކުރު ދުވަހެއްގެ. އެކަލޭގެފާނުން ސުވަރުގެ ވެއްދެވީ ހުކުރު ދުވަހެއްގަ. އާދަމްގެފާނުގެ ތަޢުބާ ގަބޫލު ކުރެއްވެވުނީ ހުކުރު ދުވަހެއްގަ. އެކަލޭގެފާނުން ދުނިޔޭގެ ބިމަށް ފޮނުއްވުނީވެސް ހުކުރު ދުވަހެއްގަ. އަދި އާދަމްގެފާނުން އަވަހާރަވެފައިވަނީވެސް ހުކުރުދުވަހެއްގަ.

ހަފްތާގެ 7 ދުވަސްތެރެއިން އެންމެ މާތް ދުވަހަކީ ހުކުރު ދުވަސް. އަދި ހަފްތާގެ އީދަކީވެސް ހުކުރު ދުވަސް. ހުކުރު ދުވަހަކީ އެއްބައިވަންތަ ދުވަހެއް. އެކަމަށް ހެކިދެނީ ހުކުރު ނަމާދާއި އެ ނަމާދުވެ ޖަމާއަތް.

އިސްލާމް ދީން ފުރިހަމަކުރެއްވެވީ ހުކުރު ދުވަހެއްގަ. އަދި މިއީ ދުޢާ އިޖާބަ ކުރެއްވުމުގެ ހާއްސަ ތިން ވަގުތެއްވެސް ވާ ދުވަހެއް. ހުކުރު ދުވަހު މަރުވާ މުސްލިމާ އަކީ ކަށްވަޅުގެ ޢަޒާބުން ރައްކާތެރިވެގެންވާ މީހެއްކަމަށް ވެސް ރަސޫލާގެ ޙަދީޘް ބަސްފުޅުން އެނގޭ. އަދި ދަންނައޭ ހުކުރު ދުވަހެއްގައި ނޫނީ ޤިޔާމަތްވެސް ޤާއިމު ނުވާ ހުއްޓެވެ.

 

ހަވާލާ: ޔަސްރަބް ޝާޙް، 2021