އެސްޓީއޯ އިން އުފަންވާ ކޮންމެ ކުއްޖަކަށް ހަދިޔާއެއް، މި ޝިއާރުގެ ދަށުން ހާއްސަ ޕްރޮގްރާމެއް އިއްޔެ ކުރިއަށް ގެންގޮސްފިއެވެ.
މި ޕްރޮގްރާމްގެ ދަށުން އިއްޔެ ހދ. ކުޅުދުއްފުށީ ރީޖަނަލް ހޮސްޕިޓަލްގައި އަލަށް އުފަންވި ކުދިންނަށް ހަދިޔާ ދީފައިވެއެވެ.
އަދި އޭގެފަހުން ޏ. ފުވައްމުލަކު ހޮސްޕިޓަލުގައި ވެސް އިއްޔެ މި ޕްރޮގްރާމްގެ ދަށުން މަރުހަބާ ދެންނެވުމުގެ ގޮތުން އުފަންވާ ކުދިންނަށް ހަދިޔާ ދީފައިވެއެވެ.
މިއީ އެސްޓީއޯގެ ނަމުގައި ކޮންމެ ރަށެއްގެ، ކޮންމެ އާއިލާ އަކަށް އުފަންވާ ކުއްޖަކަށް މަރުހަބާ ދެންނެވުމުގެ ގޮތުން ކުރިއަށްގެންދާ ޕްރޮގްރާމެއް ކަމަށް ވެސް އެ ކުންފުނިން ބުނެއެވެ.
އެސްޓީއޯގެ އަމާޒަކީ ރާއްޖޭގެ ހުރިހާ ކަންކޮޅުތަކެއްގައި އުފަންވާ ކޮންމެ ކުއްޖަކަށް ހަދިޔާއެއް ދޭ ޕްރޮގްރާމް ކުރިއަށްގެންދިއުން ކަމަށް ވެސް ބުނެފައިވެއެވެ.