އިންސާނުން ފައިދަށުލާ ފައިވާނަކީވެސް އެއާއި ބެހޭގޮތުން ތަފާތު ވާހަކަ ތަކެއް ދެއްކޭނޭ އެއްޗެއް. އެގޮތުން ފައިވާނުގެ ނަން، ނުވަތަ ފައިވާނުގެ މާނަ، އިނގިރޭސިވިލާތުގެ ބަހުގެ ރަދީފަށް އަރާފައިވަނީ 1478ވަނަ އަހަރު.

ފައިވާން މީހާގެ ނަމުގައި ދުނިޔެއަށް މަޝްހޫރުވި މީހަކުވެސް އުޅުނު. ޑެރެކް ފޭން ނަމަކަށް ކިޔާ މީހާއަށް ފައިވާން މީހާގެ ނަން ދީފައިވަނީ، ދުނިޔޭގެ ރެކޯޑު ފޮތުން އޭނާ ޖާގަ ހޯދުމުން. އެއީ ރިކޯޑު ކުރެވިފައިވާ ގޮތުން އެންމެ ގިނަ ދުވަސްވަންދެއް އެއް ފައިވާނަކަށް އެރި މީހާގެ ލަގަބާއެކު. އެގޮތުން ގިނިސް ވޯލްޑް ރިކޯޑު ފޮތުގައި ވާގޮތުން ޑެރެކް ފޭން ވަނީ އެއް ފައިވާނަކަށް 23 އަހަރުވަންދެން އަރާފަ.

މޮންސްޓާ ފައިވާނުގެ ވާހަކައަކީވެސް ދުނިޔޭގައި މަޝްހޫރުވި ވާހަކައެއް. އެއީ 2011 ވަނަ އަހަރު ޓޮމް ބޮޑިންހަމް ނަމަކަށް ކިޔާ މީހަކު، ފައިވާން އުފައްދާ ކުންފުންޏަކަށް ދިން އޯޑަރަކާއި އެކު އެ ކުންފުނިން ހަދާފައި ގެނެސް އޭނާއަށް ދިން ފައިވާނުގެ ވާހަކަ. ޓޮމް އޯޑަރު ދެމުން، ލިޔުނު ލިޔުމުގައި ޖެހި ޕޮއިންޓު، ނުބައި ތަނެއްގައި ޖެހިފައި އޮތުމުގެ ސަބަބުން، އެ އޯޑަރުގައި ވަނީ 7 ފޫޓު އުސް ފައިވާނަކަށް. އެ ކުންފުނިން އެ ފައިވާން ހަދާފައިވަނީވެސް އެ މިނަށް. ފައިވާން ނިމި، އޯޑަރަށް ފައިވާން ގޭދޮށަށް ގެނައުމުން، ބެލި ބެލުމުން މިކަންކަން ހާމަވެގެން ދިޔަ.

މިހާތަނަށް ދުނިޔޭގައި ވިއްކާފައިވާ އެންމެ އަގުބޮޑު ފައިވާނުގެ އަގަކީ 2 މިލިއަން އެމެރިކާ ޑޮލަރު. އެ ފައިވާން ޖަރީކޮށްފައިވަނީ 1400 ހުދު އަލިމަސް ބޭނުން ކޮށްގެން. މިއީ މަޝްހޫރު ޓީވީ ޕްރެޒެންޓަރ ނިކް ކެނޮން އަށް އުފައްދާފައިވާ ފައިވާނެއް.