1984 ވަނަ އހަރު ޑްރާމާ އަބޯދް އިން އެކްޓިން ކެރިއަރ ފެށި މާދުރީ ޑިކްސިޓްގެ 55 ވަނަ އުފަންދުހެވެ. މާދުރީގެ އުފަންދުވަހު އިންޑިއާގެ އެންޓަޓެއިންމެންޓް އިންޑަސްޓްރީގެ ކޮލީގުންގެ އިތުރުން އޭނާގެ އެތައް މިލިއަން ފޭނުންނެއް ސޯޝަލް މީޑިއާ މެދިވެރިކޮށް އޭނާއަށް އުފަންދުވަހުގެ މެސެޖުތައް ފޮނުވާފަވާއިރު އޭނާގެ ފިރިމީހާ ސްރީރާމްވެސް ވަނި ސޯޝަލް މީޑިއާގަ މާދުރީއަށް އުފަންދުވަހުގެ ތަހުނިޔާ ފޮނުވާ ޕޯސްޓެއްކޮށްފައެވެ.
ޕޯސްޓްގަ ސްރީރާމް ވަނީ އޭނާގެ އެންމެ ގާތް އެކުވެރިޔާ، ސޯލްމޭޓް، އަނބިމީހާ އަދި ދުނިޔޭގެ އެންމެ ރީތި އަންހެނާއަށް އުފާވެރި އުފަންދުވަހަކަށް އެދޭކަމަށް ލިޔެފައެވެ.
Happy Birthday to the most beautiful woman in the world, my wife, my soulmate, my best friend! I love you so much and you deserve nothing but the absolute best. Wishing you a wonderful birthday and many amazing years to come, together ❤️? #HappyBirthday #Soulmates pic.twitter.com/aN7yoFvTJv
— Dr. Shriram Nene (@DoctorNene) May 15, 2022
1990 ވަނަ އަހަރު ކައިވެނި ކުރި އެކްޓްރެސް މާދުރީއާއި ޑޮކްޓަރ ސްރީރާމްގެ ދެ ދަރިން ތިބެއެވެ. ދޮށީ ދަރިފުޅު، އުމުރުން 19 އަހަރުގެ އާރިން މިހާރު ހުރީ މަތީ ތަޢުލީމު ހާސިލްކުރުމަށް އެމެރިކާގައެވެ. އަދި ހަގު ދަރިފުޅު، އުމުރުން 17 އަހަރުގެ، ރަޔަން ދިރިއުޅެމުންދަނީ ދެމަފިރިންނާއެކު އިންޑިއާގައެވެ.
މާދުރީއަށް ފިލްމީ ދާއިރާގަ މަޝްހޫރުކަން ލިބުނީ 1988 ވަނަ އަހަރުގެ އެކްޗަން ރޮމޭންސް 'ތޭޒާބް' ގަ އޭނަ އަދާކުރި ރޯލުންނެވެ. އެއަށްފަހު ދިލް، ބޭޓާ، ހަމް އާޕްކޭ ހޭ ކޯން، ސާޖަން އަދި ދިލްތޮ ޕާގަލްހޭ އާއި ދޭވްދާސް ފަދަ ކާމިޔާބު އެތައް ފިލްމެއް މާދުރީ ކުޅެފައިވާއިރު ފިލްމެފެއަރ އެވޯޑްސްގެ ބެސްޓް އެކްޓްރެސް ކެޓެގެރީން 4 ފަހަރު އެވޯދު ހާސިލްކޮށްފައިވެއެވެ. މާދުރީއަކީ 1990ގެ އަހަރުތަކުން ފެށިގެން 2000ގެ ކުރީގެ އަހަރުތަކުގެ ތެރޭގައި ބޮލީވުޑްގައި އެންމެ ބޮޑު އާމްދަނިއެއް ލިބޭ އެކްޓްރެސްއެވެ.
މިހާރުވެސް ފިލްމީ މަސައްކަތްތަކުން ކޮންމެވެސް ވަރަކަށް ފެންނަ މާދުރީ އެންމެ ފަހުން ފެނިގެން ގޮސްފައިވަނީ ނެޓްފްލިކްސްގެ ސީރީޒް 'ދަ ފޭމް ގޭމް' އިންނެވެ.