އަގުހުރި އިނާމްތަކާއެކު، އެސްޓީއޯ ޕީޕަލްސް ޗޮއިސް އަދި ރީޖަނަލް ފިހާރަތަކުގައި "ކްރޫގަރ ޗެލެންޖް 2022" ނަމުގައި ޕްރޮމޯޝަނެއް ފަށައިފިއެވެ.
މި ޕްރޮމޯޝަންގެ ދަށުން އެސްޓީއޯ އިން ވަނީ ސޯޝަލް މީޑިއާ އަށް ހާއްސަ މީޑިއާ ޗެލެންޖެއް ވެސް ކުރިއަށްގެންދަން ނިންމާފައެވެ.
އެގޮތުން، ސޯޝަލް މީޑިއާ ޗެލެންޖުގައި ބައިވެރިވުމަށް ކްރޫގާރގެ ޕްރޮޑަކްޓެއް ބޭނުންކޮށްގެން ކާއެއްޗެއް ތައްޔާރުކުރުމަށްފަހު STOKrugerChallenge2022 # ބޭނުންކޮށްގެން ސޯޝަލް މީޑިއާގައި ޕޯސްޓްކޮށްލަންވާނެ އެވެ.
ސޯޝަލް މީޑިއާ މުބާރާތުގެ ތެރެއިން ކޮންމެ ހަފްތާއަކުވެސް ނަސީބުވެރި އެއްފަރާތް ހޮވައި އެންމެ ގިނަ ލައިކްސް/ރިއެކްޝަންސް ލިބިފައިވާ ޕޯސްޓުގެ ވެރިފަރާތަށް ވަރަށް އަގުހުރި އިނާމެއް ދިނުމަށް ހަމަޖެހިފައިވެއެވެ.
"ކްރޫގަރ ޗެލެންޖް 2022" ގެ ދަށުން ފެށި ޕްރޮމޯޝަންގެ ތެރެއިން ގަންނަ ކޮންމެ ކްރޫގަރ އައިޓަމަކަށް ޑިޖިޓަލް ކޫޕަނެއް ލިބޭއިރު، އެއްވަނަ އިނާމަކަށް ދިނުމަށް ބެނެލީ ޕެނެރިއާ ސައިކަލެއް، އަދި ދެވަނަ އަށް ހޮވޭ ފަރާތަކަށް އައިފޯން 12 ޕްރޯ މެކްސް 256ޖީބީ ލިބޭއިރު، ތިންވަނަ އަށް ދާ ފަރާތަކަށް ދިނުމަށް ހަމަޖެހިފައިވަނީ ފިލިޕްސް 55 އިންޗީގެ ޓީވީ އެކެވެ.
އެސްޓީއޯ އިން އިމްޕޯޓް ކޮށް ވިއްކަމުންދާ ކްރޫގަރ ބްރޭންޑަކީ ޖަރުމަނުގެ މޮޅު ބުރޭންޑެކެވެ. ކްރޫގަރ ޕާސްތަނޫސާގެ ޗޮކުލެޓް ސުޕެރްޑް ތެރޭގައި ޗޮކޮލެޓް ޑުވޯ އަދި ޑާކް ޗޮކްލެޓް ވެސް ހުރެއެވެ. ކްރޫގަރގެ ހުރިހާ އުފެއްދުންތަކަކީ ވެސް ދިވެހިންގެ މެދުގައި މަގްބޫލްކަން ހޯދާފައިވާ ޕްރޮޑަކްޓްތަކެކެވެ.
އެސްޓީއޯ އިން ބުނީ ކްރޫގަރ ބްރޭންޑްގެ ތަކެތި ގަންނަ ފަރާތްތަކަށް ހާއްސަކޮށްގެން ކުރިއަށް ގެންދާ މިޕްރޮމޯޝަންގައި، ސޯޝަލް މީޑިއާ މުބާރާތުގެ އިތުރުން ވަރަށް އަގުހުރި އިނާމު އަދި ޑިސްކައުންޓް ލިބޭނެއެވެ.
މި ޕްރޮމޯޝަން ކުރިއަށްދާނީ މިއަދުން ފެށިގެން އަންނަ ޖުލައިމަހުގެ 31 ގެ ނިޔަލަށް އެސްޓީއޯ ޕީޕަލްސް ޗޮއިސް އަދި އެސްޓީއޯ ރީޖަނަލް ފިހާރަތަކުގައެވެ.