ޖިންސީ ގުނަވަނަށް ޖެހޭ ތަފާތު އެކި ކަހަލަ އިންފެކްޝަންތައް ހުރެއެވެ. ބައެއް އިންފެކްޝަންތަކަކީ ޖިންސީ ގުޅުމުން ބޭރުންވެސް ޖެހޭ އިންފެކްޝަންތަކެކެވެ. އަދި އަނެއްބައި އިންފެކްޝަންތަކަކީ ސީދާ ޖިންސީ ގުޅުމުން، އަރާ އިންފެކްޝަންތަކެކެވެ.
ޖިންސީ ގުނަވަންތަކަށް ޖެހޭ އިންފެކްޝަންތަކުގެ ތެރެއިން ޖެނިޓަލް ވާރޓްސް އަކީ ޖިންސީ ގުނަވަނުގެ ތެތް ހަތާރުތަކަށް ޖެހޭ އިންފެކްޝަނެކެވެ. އޭގެ ސަބަބުން އެ ތަރާރުތައް ދުޅަވެ ފުފިލާފާ، ބިއްސެއް ގޮތަށް ނުވަތަ ބޮނޑިއަކަށްވެސް ފެންނަން ހުރެދާނެއެވެ. ބައެއް ފަހަރަށް ހަތާރުތައް ދުޅަވެ ބޮޑުވާ މިންވަރު ކުޑަނަމަ، ސީދާ ލޮލަށް މި "ބިހި" ތައް ފެނުމަކީ އުނދަގޫ ކަމަކަށް ވެދާނެއެވެ.
ޖިންސީ ގުޅުމުން ޖެހޭ ގިނަ ބަލިތަކަކީ ހިއުމަން ޕަޕިލޯމާ ވައިރަސް (އެޗް.ޕީ.ވީ) ގެ ސަބަބުން ޖެހޭ ބަލިތަކެކެވެ. ޖެނިޓަލް ވާރޓްސް އަކީވެސް މި ވައިރަހުގެ ސަބަބުން ޖެހޭ ބައްޔެކެވެ. ބައެއް ފަހަރަށް މި ވައިރަހުގެ ސަބަބުން ކެންސަރު ފަދަ ނުރައްކާތެެރި ހާލަތްތަކާވެސް ކުރިމަތިލާން ޖެހިދާނެއެވެ.
މިއީ އަންހެނުންނަށްވެސް އަދި ފިރިހެނުންނަށްވެސް ޖެހިދާނޭ ބައްޔެކެވެ. މި ބަލީގައި އުފެދޭ "ބިހި" ތައް ޖިންސީ ގުނަވަނުވެ ކޮންމެ ހިސާބެއްގައިވެސް އުފެދިދާނެއެވެ. އަދި ބައެއް ހާލަތްތަކުގައި ފުރަގަސްފަރާތުގައިވެސް އުފެދިދާނެއެވެ. އަދި އަނެއްބައި ހާލަތްތަކުގައި އަނގާގައިވެސް ޖެނިޓަލް ވާރޓްސް ގެ "ބިހި" ތައް ނަގާފާނެއެވެ. މި ބަލީގެ އަލާމާތަކުގެ ތެރޭގައި ޖިންސީ ގުނަވަނުގައި ހުދު-ފިޔާތޮށި ކުލައިގެ "ބިހި" ތަކެއް ޒާތު އެއްޗެހިތަކެއް ނަގާނެއެވެ. ބިއްސެއް ވަކިން ނަގާފައި ހުންނަ އިރު، އަނެއްބައި ފަހަރަށް ބޮނޑިއަކަށްވެސް ނަގާފައި ހުރެދާނެއެވެ. މިތަންތަން ކަހާ ހިރުވުމާއި އެކު ޒާދެއްގެ އުނދަގޫ އިހުސާސްތަކެއް ކުރެވޭނެއެވެ. ބައެއް ފަހަރަށް އެތަންތަނުގައި އަތް ޖެހުމުން ތަދުއިހުސާސްވެސް ކުރެވޭނެއެވެ. ޖެނިޓަލް ވާރޓްސް ގައި ބޮޑުވަރު ވާއިރު، މިގޮތަށް ދުޅަވެފައި ހުންނަ މި ހަތާރުތަކުން ލޭ އަންނާނެއެވެ. އެއާއި އެކު ނުބައި ވަހެއްވެސް ދުވާނެއެވެ. މިކަމުގެ ސަބަބުން ޖިންސީ ދުޅަހެޔޮކަން ދަށްވެގެން ދެއެވެ.
މިއީ ޖިންސީ ގުޅުމުން، އެޗް.ޕީ.ވީ ވައިރަހުގެ ސަބަބުން ޖެހޭ ބައްޔެކެވެ. މި ވައިރަސް ހުރި މީހެއްގެ "ހަށީފެނަށް" އަނެކާ ހުށަހެޅުމުން އަނެކާގެ ގަޔަށް މި ވައިރަސް އަރާ ގޮތްވެއެވެ. މި ބަލީގެ އަލާމާތެއް ނެތް ނަމަވެސް ވައިރަސް ހުރެއްޖެ ނަމަ، މި ބަކި އެކެއްގެ ގައިން އަނެކެއްގެ ގަޔަށް (ޖިންސީ ގުޅުމުގެ ތެރެއިން) އަރާނެއެވެ.
ޖެނިޓަލް ވާރޓްސް ޖެހުމުހެ ފުރުސަތު ބޮޑު މީހުންގެ ތެރޭގައި ގިނަ ބައިވެރިންނާއެކު ރައްކާތެރިކަމެއް ނެތި ޖިންސީ ގުޅުން ހިންގާ މީހުން ހިމެނެއެވެ. އަދި ޖިންސީ ގުޅުން ހިންގާއިރު، ޖިންސީ ގުނަވަނަށް އިތުރު އިންފެކްޝަނެއް ޖެހިފައިވާނަމަވެސް ފުރުސަތު ބޮޑުވެއެވެ. ހަމަ އެއާއި އެކު ޖިންސީ "ތާރީހެއް" ނޭނގޭ ބައިވެރިޔަކާ ޖިންސީ ގުޅުން ހިންގުމުގެ އިތުރުން އެޗް.އައި.ވީ އިން ނުވަތަ ގުނަވަން ބަދަލުކުރުމުން ދިފާއީ ނިޒާމު ބަލިކަށިވެފައިވާ މީހުން ހިމެނެއެވެ.
މިބަލީގައި ބޮޑުވަރުވުމުން ނުވަތަ ނުރައްކާތެރި ހާލަތެއް ކުރިމަތިވެދާ ހިނދު ދިމައިވެދާ ކަންތައްތަކުގެ ތެރޭގައި ސާވިކަލް ކެންސަރާއި ޖިންސީ ގުނަވަނަށް އެޗް.ޕީ.ވީ އިންފެކްޝަން ޖެހުމާ ވަރަށް ބޮޑަށް ގުޅިފައި އޮންނަ ކަމަށް ދިރާސާތަކުން ދައްކަ އެވެ. އެޗްޕީވީގެ ވަކި ބާވަތްތަކަކީ ވެސް ވަލްވާ، ކަރު، ޖިންސީ ގުނަވަން، އަދި އަނގައާއި ކަރުތެރޭގެ ކެންސަރުތަކާ ގުޅުން ހުރި ކަންކަމެވެ. އެޗް.ޕީ.ވީ ގެ އިންފެކްޝަނެއް ޖެހުމުން އަބަދު ކެންސަރު ނުޖެހޭ ނަމަވެސް އަންހެނުންނަށް ގަވާއިދުން "ޕެޕް ޓެސްޓް" ހެދުމަކީ މުހިންމު ކަމެކެވެ. ހާއްސަކޮށް އެޗް.ޕީ.ވީ ގެ ނުރައްކާ ބޮޑު ވައްތަރުތައް ޖެހިފައިވާ މީހުންނެވެ. މަދުން ނަމަވެސް މާބަނޑު ދުވަސްވަރު "ބިހި" ތައް ބޮޑުވެ ކުޑަކަމުދާން އުނދަގޫ ވެދާނެ އެވެ. ޖިންސީ ގުނަވަނުގެ ފާރުގައި ހުންނަ އުރަތަކުގެ ސަބަބުން ވިހެއުމުގެ ތެރޭގައި ޖިންސީ ގުނަވަނުގެ ހަތާރުތަކަށް ދޭޖެހުން މަދުވާނެއެވެ. ވިހެއުމުގެ ތެރޭގައި ވަލްވާގައި ނުވަތަ ޖިންސީ ގުނަވަނުގައި ހުންނަ ބޮޑެތި "ބިހި" ތައް ފެޅިއްޖެނަމަ ލޭއައުން އެކަށީގެންވެއެވެ. އިންތިހާއަށް މަދުން ނަމަވެސް ޖިންސީ ގުނަވަންތަކުގައި ވާރޓްސް ހުންނަ މަންމައަކަށް އުފަންވާ ތުއްތު ކުއްޖެއްގެ ކަރުތެރޭގައި ވާރޓްސް އުފެދިދާނެއެވެ.
މިއީ ހަގީގަތުގައި ވަރަށްވެސް ބިރުވެރި ބައްޔެކޭ ބުނެވިދާނެއެވެ. ނުރައްކާތެރިވެސް ބައްޔެކެވެ. ބަލި ހުރިކަން ނޭނގި ފެރުތިގެންވެސް ހިނގައިދާ ބައްޔެކެވެ. އެހެންކަމުން މިކަމުގައި ރައްކާތެރިވެ ފަރުވާތެރިވުން ވަރަށްވެސް ބޭނުންތެރިއެވެ.