ގިނަ ވަގުތު އަވީގައި އުޅޭ ފަރާތްތަކާއި މޫދަށް ގޮސް އުޅޭ ފަރާތްތަކަށް ޙާއްސަކޮށް ތައްޔާރުކޮށްފައިވާ ޔޫރަޕްގެ ބްރޭންޑެއް ކަމަށްވާ "ބީޗްޑޭ"ގެ އުފެއްދުންތަކެއް ކައިލާން އިން ރާއްޖެއަށް ތަޢާރަފްކޮށްފިއެވެ. ގިނަވަގުތު އަވީގައާއި މޫދުގައި އުޅުމުގެ ސަބަބުން ގައިގެ ހަންގަނޑަށް ލިބޭ ގެއްލުންތައް ކުޑަކޮށްދޭ މި އުފެއްދުންތަކަކީ ސަރޓިފައިޑް މޮޅު އުފެއްދުންތަކެކެވެ.
އެގޮތުން، ޔޫރަޕްގެ ބައެއް ޤައުމުތަކުގައި ލޯންޗްކޮށްފައިވާ "ބީޗްޑޭ" ބްރޭންޑްގެ ހެއަރ ސްޕްރޭ، ސަން ލޯޝަން، ޓޭނިންގ އޮއިލް އާއި ބޮޑީ ބަޓަރ އަދި އެލޯވެރާ ޖެލް ވެސް ކައިލާންގެ ފިހާރަތަކުން ހޯލްސޭލްކޮށް އަދި ރީޓެއިލްކޮށް މިހާރު ލިބެން ހުންނާނެއެވެ.
ކައިލާން އިން ތަޢާރަފްކުރި "ބީޗްޑޭ" ބްރޭންޑްގެ އިތުރު އުފެއްދުންތަކުގެ ތެރޭގައި، އެލޯވެރާ (ގްލިޓަރ އާފްޓަ ސަން ލޯޝަން)، ގްލޫޓެން ފްރީ ޓޭނިންގ އޮއިލް، އޮރިޖިނަލް ބްރޮންޒިންގ ބަޓަރ ވިތް ކަކާއޯ އާއި ކެރޮޓް އޮއިލް ހިމެނެއެވެ. އަދި ކުޑަކުދިންނަށް ޚާއްސަކޮށްފައިވާ ޕްރޮޓެކްޓިވް ސަން މިލްކްގެ އުފެއްދުންތައްވެސް ކައިލާންގެ ފިހާރަތަކުން ލިބެން ހުންނާނެއެވެ.
މީގެއިތުރުން، ސަން ބާތިންގައި ބޭނުންކުރުމަށް އެކަށޭނަ ޑްރައި އޮއިލް، ކެރޮޓް އޮއިލް، ކަކާއޯ އޮއިލް، އާއި ޕްރޮޓެކްޓިވް އޮއިލް ސްޕްރޭ އަދި ޕްރޮޓެކްޓިވް ސަން މިލްކްވެސް މި އުފެއްދުންތަކުގެ ތެރޭގައި ހިމެނެއެވެ.
ކައިލާންގެ ފިހާރަތަކުން ލިބެންހުރި އުފެއްދުންތަކުގެ ތެރޭގައި ހިމެނޭ ހެއަރ ސްޕްރޭގެ އިތުރުން ގިނަ އުފެއްދުންތަކަކީ މަލްޓި ޕްރޮޓެކްޓިވް (އަވި، ކްލޮރިން އަދި ލޮނުން) ރައްކާތެރިކަން ލިބިދޭނެ އުފެއްދުންތަކެކެވެ.
ކައިލާން ގްރޫޕުން ފާހަގަކުރާ ގޮތުގައި، ރާއްޖޭއަށް މުޅިން އަލަށް ތަޢާރަފްކޮށްފައި މިވާ "ބީޗްޑޭ" ބްރޭންޑްގެ އުފެއްދުންތަކަކީ ބީޗަށް ގޮސް ގިނަ ވަގުތު ހޭދަކުރާ ބޭފުޅުންނަށް ވަރަށް އެކަށޭނަ އުފެއްދުންތަކެކެވެ. އަދި ކުރިއަށް އޮތީ ބޮޑު ޢީދު ޗުއްޓީ ކަމުގައިވެފައި ޗުއްޓީގައި ގިނަ ވަގުތު އަވީގައާއި މޫދުގައި އުޅުމުގެ ތެރޭގައި ނޭނގި ނަމަވެސް ގައިގެ ހަންގަނޑަށް ނުހަނު ގެއްލުންވާނެއިރު، "ބީޗްޑޭ" ބްރޭންޑްގެ ޕްރޮޑަކްޓްތައް ބޭނުން ކުރުމުން މިފަދަ ގެއްލުމުގެ މިންވަރު ބޮޑުތަނުން ކުޑަކޮށްދޭނެކަން އެފަރާތުން ފާހަގަކުރައްވައެވެ. މި ޕްރޮޑަކްޓް ހޯލްސޭލްކޮށް އަދި ރީޓެއިލްކޮށް ބޭނުންވެލައްވާ ފަރާތްތަކުން ގުޅުއްވާނީ ކައިލާން ޓްރެންޑްސްގެ ހޯލްސޭލް ނަންބަރު 9517729 އަށެވެ.