ލޭޑީސްއެމްވީ އިން ތުރުކީގެ މަޝްހޫރު ޕާފިއުމް ބްރޭންޑް "ލެލާސް" ރާއްޖެ އަށް ތަޢާރަފްކޮށްފިއެވެ.
2014 ވަނަ އަހަރު ތުރުކީގެ ބާޒާރަށް ނެރުނު "ލެލާސް" އަކީ މިހާރު މުޅި ދުނިޔޭގެ އެކި ކަންކޮޅުތަކުގައި މަގްބޫލްކަން އިތުރުވަމުން އަންނަ ސެންޓެކެވެ. މި ބްރޭންޑްގެ ސެންޓަކީ 100 އިންސައްތަ އޮރިޖިނަލް ތުރުކީގެ ބްރޭންޑެކެވެ.
ލޭޑީސްއެމްވީ އިން މަޢުލޫމާތު ދިން ގޮތުގައި، ރާއްޖޭގައި ވިއްކަމުން އަންނަ އޮރިޖިނަލް ބްރޭންޑްގެ އެހެނިހެން ޕާފިއުމްތަކާ އަޅާބަލާއިރު "ލެލާސް" ބްރޭންޑްގެ ސެންޓުގެ އަގުތައް އުޅޭނީ އެންމެންނަށް ވެސް ގަނެވޭފަދަ އަގެއްގައި ކަމަށެވެ. ލޭޑީސްއެމްވީގެ އައުޓްލެޓްގައި މިވަގުތު ލިބެންހުރި ސެންޓު ފުޅިތަކުގެ އަގުތައް އުޅެނީ 1،000ރ. އާއި 1،800ރ. ދެމެދުގައެވެ.
ލޭޑީސްއެމްވީގެ އައުޓްލެޓުން ލިބެންހުރި "ލެލާސް"ގެ ކަލެކްޝަންގެ ތެރޭގައި؛ ފާރ ކަލެކްޝަން، 85 ކަލެކްޝަން، ޕްރިވޭ ކަލެކްޝަން، ޕްރައިމް ކަލެކްޝަން، ވޮޔޭޖް ފެމިލީ ކަލެކްޝަން، ރިދަމް ކަލެކްޝަން އާއި "ލެލާސް" ބޮޑީ މިސްޓް އަދި ޖެންޑާ ކަލެކްޝަން ހިމެނެއެވެ. ޖެންޑާ ކަލެކްޝަންގައި ދެ ޖިންސަށް ވަކިން ހާއްސަ ޕާފިއުމް އެކުލެވިގެންވެއެވެ.
ލޭޑީސްއެމްވީގެ ފިހާރައިން ލިބެން ހުރި ޕާފިއުމްތަކަށް ބަލާއިރު، "ބޯރޑޯ"، "ބޭރަކް"، "ޒައިން އޫދު"، "މަސްކް"، "އެމްބާ"، "ބްލެކް"، "ނޭވީ"، "ގޯލްޑަން"، "މޯޓިފް"، "ރިދަމް"، "މިސްކް"، "އޫދު އީޑީޕީ"، "ބެބިލޯން"، "ޕެޓްރާ"، "ޕިރަމިޑް" އާއި "އިނިފިނިޓް" އަދި "ވާޗުއޫ އީޑީޕީ" ހިމެނެއެވެ.
ރާއްޖޭގެ އިތުރުން ދުނިޔޭގެ ތަފާތު 15 ގައުމެއްގައި "ލެލާސް"ގެ ގާތްގަނޑަކަށް 117 އެއްހާ އައުޓްލެޓް ހުރެއެވެ.
ލޭޑީސްއެމްވީގެ އޯނަރ ޝިމްނާ އަހުމަދު ބުނުއްވީ ރިމޮޑެލިން އާއި ރިނޮވޭޝަނަށް ފަހު، ލޭޑީސްއެމްވީގެ "ޔުނީކް ލޭޑީސް ބައި ލޭޑީސްއެމްވީ" އައުޓްލެޓް މިރޭ ހުޅުވިގެންދާނެ ކަމަށާއި، "ލެލާސް" ބްރޭންޑްގެ ސެންޓު މިރެއިން ފެށިގެން އެ ފިހާރައިން ލިބެން ހުންނާނެ ކަމަށެވެ. ލޭޑީސްއެމްވީގެ އައުޓްލެޓް ހުންނާނީ، މާފަންނު، މަޖީދީމަގުގައި ހުންނަ މާޒިޔާ ޓްރޭޑާސް ކުރިމަތީގައެވެ.