ދިވެހި އަދަބީ ބަސްތަކުގެ ތެރެއިން، މަސް ދާނީ ފެން އޮތް ތަނަކަށޭ ބުނާ ބަހަކީ މިސާލު ބަހެކެވެ. މިއީ އަދުގެ ދުނިޔޭގައިވެސް ވަރަށް އާންމު މިސާލެކެވެ. ދިވެހިންގެ ތެރޭގައިވެސް މެއެވެ.

މި ބަހުގެ ބަހަވީ މާނައަށް ބަލާލާއިރު، މި ބަހުގައި މި ބުނެވެނީ، މޫދުގައި އުޅޭ މަހުގެ ވާހަކައެވެ. ކޮންމެވެސް ސަބަބަކާއި ހުރެ އެ މަހެއް އުޅޭތަނުން އެއްގަމަށް ނެގުމުން ނުވަތަ ދިޔަވަރު ހިކެމުން ދާވަރަކަށް، ތޮށިމަތިން ގާތައް ހިކޭ ވަރަކުން، އެ މަހެއް، ފެން ހުރި ތަންތަނަށް ފުމެމުން، ދެމޭ މަންޒަރު ފެންނާނެއެވެ. މަސް އަބަދުވެސް ދާނީ ފެން އޮތް ތަނަކަށެވެ.

މިބަހުން މިސާލު ޖަހަނީ، އިންސާނުން، މުއްސަނދިކަމާއި ތަނަވަސްކަން ހުރި ތަންތަނަށް ނުވަތަ މުއްސަނދި ކަމާއި ތަނަވަސްކަން ހޯދުމަށް އަބަދުމެ ކުރާ މަސައްކަތް ތަކަށެވެ. މުއްސަނދިކަން ހޯދަން އަބަދުމެ ކޮންމެވެސް މަސައްކަތަކާއި ދިމާލަށް ނުވަތަ ކޮންމެވެސް ތަނަކާއި ދިމާލަށް އިންސާނާގެ ހިތް ލެނބި، އެ ދިމާލަކަށް އިންސާނާ ގެންދާ ގެންދިއުމަށް، މަސް ދާނީ ފެން އޮތް ތަނަކަށޭ ބުނެ އުޅެއެވެ!