މަސާފުމި ނަގަސާކީ ނަމަކަށް ކިޔާ ޖަޕާނުގެ 87 އަހަރުގެ މި މީހާ އަކީ 29 އަހަރު، ފަޅުރަށެއްގައި އެކަނި ދުވަސްތައް ހޭދަކުރި މީހެއް. ރިޕޯޓުތައް ބުނާގޮތުން އޭނާގެ އުމުރުން 58 އަހަރުގައި ޖަޕާނުގެ ކޯޓަކުން އޭނާގެ މައްޗަށް، އޭނާ އޭރު އުޅެމުން ދިޔަ ރަށް ކަމުގައިވި، "ސޮޓޮބަރާނީ" އިން ނުކުންނަން އެންގުމުން އޭރު އޭނާ ވަނީ އެ ރަށުން ނުކުމެފަ. އޭގެ ފަހުން އޭނާ އުޅެމުން އައީ ހުޅަގު ދެކުނު އޮކިނަވާގެ ފަޅު ރަށެއްގަ.

އޭނާ ބުނާގޮތުން އޭނާ އެރަށުގައި އެކަނި އުޅެން ހިޔާރު ކުރީ އެކަނި ވެރިކަމަކީ އޭނާ ލޯބި ކުރާ ކަމަކަށް ވުމުން. ނަމަވެސް އެހެން އެކަނި އުޅެން ޖެހުމުން މާޒީގެ ދުވަސްތައް ހަނދާވެ ދެރަވާކަމަށް ބުނޭ. 29 އަހަރު އެރަށުގައި އޭނާ ހޭދަކުރި އިރު، އޭނާގެ އަންނައުނުތައް ވަނީ ބާވެ، ވީރާނާވެފަ. ނަމަވެސް އޭނާ ގެންގުޅުނު ބައެއް ހިފާގެންގުޅޭ ސާމާނު ސަލާމަތުން ހުރި. އެ ރަށުގެ ހޭޅި ކައިރިން ވަލުތެރޭގައި އޭނާ ގެއެއް ބިނާކޮށް އުޅުނު. އަދި މުޅި ދުނިޔެއާއި ވަކިވެ، އެ ރަށުން ލިބެން ހުރި ކާބޯ ތަކެތި ހޯދާ އެރަށުގައި އުޅެމުން އައި. ބައެއް ފަހަރަށް އޭނާ އާއި، ބައެއް ފަތުރުވެރިންނާ އެރަށުން ދިމާވާ ކަމަށްވޭ. ނަމަވެސް އޭރު އޭނާގެ ނަން މަޝްހޫރުވެގެނެއް ނުދިޔަ.

މި ހިނގާ ޖޫންމަހުގެ ތެރޭގައި ސެރެޒޯ ނަމަކަށް ކިޔާ މީހަކު ވަނީ މަސާފުމީގެ ވީޑިއޯތަކެއް އާންމުކޮށްފަ. ސެރެޒީގެ އެހީތެރިކަމާއެކު މުސާފުމި މިހާރު ވަނީ ޖަޕާނުގެ އިށިގަކީއަށް ބަދަލުވެފާ. މުސާފުމި ބުނާ ގޮތުން އޭނާ އުންމީދުކޮށްގެން ހުރީ އެ ފަޅުރަށުގައި އެކަނި ހުރެ، ދިރިއުޅެމުންގޮސް އެ ރަށުގައި ނިމިދާން. ނަމަވެސް ކަން ދިމާކުރި ގޮތުން އެނބުރި މީހުންގެ ތެރެއަށް އާދެވީކަމަށް. އެންމެ ފުރަތަމަ ސޮޓޮބަރާނީ އިން ބޭރުކޮށްލެވުމަކުން އޭނާ ދެރަ ނުވާކަމަށާއި، އެ ފަޅުރަށުގައި އެކަނި އުޅުނު އުޅުންވެސް އެއީ ދެރަކަމެއް ނޫން ކަމަށް އޭނާ ބުނޭ. އަދި މިހާރު އެނބުރި މީހުންގެ ތެރެއަށް އާދެވުމަކީވެސް ދެރަވާ ކަމެއް ނޫން ކަމަށް އޭނާ ބުނޭ.

ރިޕޯޓުތައް ބުނާގޮތުން ޖަޕާނުގެ ސަރުކާރުން ވަނީ އޭނާއަށް ހިޔާވަހި ކަމެއް ފޯރުކޮށްދީފަ. ސެރެޒޯ އޭނާގެ ބްލޮގުގަައި ބުނެފައިވަނީ މުސާފުމި އަކީ ދުނިޔޭގެ ތާރީހުގައި ލިޔެވޭނޭ މީހެއް ކަމަށް. އެހެނީ އޭނާ އަކީ ދުނިޔޭގެ އެންމެ ދިގު ހަގީގީ "ކަސްޓް އަވޭ ރިޓާން" ކަމަށްވުން.